🚩 في عالم حتّى إذا شربت مي بتلقمس … !!
وفي عالم وهيي عم تاكل بتطقطق … !!
🔰حلّ الأولى أنو الإنسان يكون واعي لنفسو وهوي عم ياكل وشوي شوي بالمثابرة والتركيز يقضي عَ هالعادة …
🔰 أمَّـا الطقطقة إلها حكاية تانية؛ تعوا نخبركم عنها 😌 :
بحالات معينة بيترافق المضغ (فتح وإغلاق) الفم مع صوت طقطقة بالمعنى الحرفي للطقطقة…
⛔ شو هالصوت، وشو سببو ؟!؟
أهلا بكم في جراحة الوجه والفكين
سبب الصوت مبدئياً هو اضطرابات بالمفصل الفكي الصدغي «مفصل بين الفك العلوي والسفلي، الصورة بأول تعليق » .
مهم جدا نكشف أي اضطراب بهالمفصل باكراً ونعالجوا .
⛔ شو الأعراض اللي بتدل ع إصابتك باضطراب هالمفصل ؟!؟
⚠️ ألم عند فتح وإغلاق الفم في المنطقة أمام الأذن .
⚠️ صوت طقطقة خفيف عند تحريك الفك يزداد تدريجياً .
⚠️ حركة فك سفلي مقيّدة «ما فيك تحرك فكك متل ما بدك» أو فرط حركة .
⛔ شو علاج هالمشكلة ؟!؟
⚠️ في حال الاكتشاف المبكر، يكون العلاج وقائياً .. يعني لمنع حدوث الاضطراب بشكل صريح من خلال :
تدليك عضلات المضغ/ تمرين المفصل/ مسكنات/ الليزر.
⚠️ في حال كان الاضطراب واضح، العلاج جراحي حصراً، وحسب درجة الاضطراب ممكن تكون درجة العلاج فقد يقتصر على بزل المفصل «الأكثر شيوعا»، أو قد نلجأ لجراحة المفصل .
⛔ شو هيي تقنية بزل المفصل ؟!؟
⚠️ إدخال إبرة ضمن المنطقة العلوية من المفصل تحوي على محلول ملحي أو سائل اسمو رينجر .
⚠️ حقن وضخ السائل ضمن المفصل بعدين منرجع نسحب كل الكمية اللي دخلناها من السائل «نكرر الضخ والسحب حوالي عشر مرات » .
⚠️ يمكن إجراء العملية بشكل متكرر .
⛔ شو فائدة السائل اللي عم ندخلوا ضمن المفصل ؟!؟
⚠️ تقليل الألم، من خلال غسل المفصل من أي التهاب .
⚠️ فصل أي التصاقات وتحرير المفصل .
⛔ ممكن ينتج مخاطر عن هالعملية ؟!؟
⚠️ نعم، متل [ إصابة العصب الوجهي / نزف بالمفصل/ تسرّب السوائل خارج المفصل/ كسر جزء من الابرة داخل المفصل/ تحسس من الأدوية اللي بتنعطى بعد العملية/ مضاعفات خطيرة على مستوى الأذن ] .
لهيك خلونا نتفق على أنو ملاحظة المشكلة والسعي نحو حلها هنن أساس العلاج الناجح؛ وكمان مامننسى اختيار الطبيب المناسب قبل أي شي .
تبقوا بألف خير .. ❤ ..
● إعداد وتحرير : د. آيـة مـعن محـمود .
● التدقيق العلمي : د. عمـرو فهـد هنـيدي .
● المصدر العلمي :https://pubmed.ncbi.nlm.nih.gov
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم