تعليم عام
تعليم خاص
تعليم افتراضي
تعليم مفتوح
شو الفرق بيناتهم وشو الأفرع اللي موجودة فيهن؟
1️⃣ التعليم العام:
بتطلع مفاضلتو أول شي وهو نفسو تماما التعليم الموازي (بس الفرق أنو بتدفع رسوم كل سنة بس الامتحانات والشهادة والبطاقة وكلشي نفس الشي تماماً)
فيه كل الأفرع ووقت بدك تسجل فيه حصراً لازم تكون شهادتك البكالوريا 2022
2️⃣ التعليم الخاص:
بتطلع مفاضلتو خلال 10 أيام، وصار عننا كتير جامعات خاصة بسورية كل جامعة فيها أفرع شكل وفي كتير جامعات خاصة بتقبل شهادة قديمة للتسجيل فيها
لتعرف شوفي عننا جامعات خاصة ووين موقعهم وشو الأفرع الموجودة بكل جامعة خاصة مع ارقامهم إذا حابين تتواصلوا او تستفسروا بشي موجودين أول تعليق 🔥
3️⃣ التعليم الافتراضي:
التعليم والتقديم وكلشي بكون عن طريق النت، بس وقت الامتحانات في مراكز بتنزل بتقدم فيها
بيطلع مفاضلتين: مفاضلة بالشهر العاشر ومفاضلة بالشهر الرابع فيك تقدم عأي وحدة بدك ياها وفيك تقدم بأي شهادة سواء 1990 أو 2022
الأفرع اللي موجودة فيه: هندسة معلوماتية، تكنولوجيا المعلومات والاتصالات، تقانة معلومات، إدارة، حقوق، إعلام، معهد حاسوب، معه إدارة أعمال
امتحاناتو ممكن تجي مع امتحانات العام وممكن بعدو لانو بتستمر أكتر من شهر ✅
4️⃣ التعليم المفتوح:
مفاضلتو بتطلع بعد المفاضلة التانية الموازي للعلمي، الدوام فيه جمعة وسبت فقط وامتخاناتو بتبلش بعد ما بتخلص امتحانات التعليم العام
فيك تسجل بأي شهادة بكالوريا قديمة (مضى عليها أكتر من سنتين) باستثناء إذا ما طلعلك ولا فرع أو عمرك 24 وفوق فيك تسجل بنفس السنة
المعدلات المطلوبة صايرة تجي أحيانا أعلى من معدلات العام وخاصة بدمشق والبعث 🙂💔
الأفرع اللي موجودة فيه: إدارة مشاريع، محاسبة، دراسات قانونية، رياض أطفال، ترجمة إعلام بدمشق فقط، علوم سياسية بدمشق فقط وبعض المحافظات في مصارف
شو الفرق بيناتهم:
كل اللي ذكرتهم فوق نفس قوة الاعتراف جوا البلد ومتل ما بحق للطالب العام بحقلك 100% باستثناء شغلة:
أنو الافتراضي والخاص والمفتوح بياخدوا منهم كلهم فقط طالب أو طالبين للتقدم للماجستير وأحيانا ما بياخدوا ولا طالب ✅
أما الاعتراف برا البلد العام والخاص والافتراضي والمفتوح معترف فيهن كمان بكل دول العالم أو أكتر من 95% من دول العالم 😁
✅