🚩 تشوّه … يصير أحد مقاييس الجمال !!
قبلة الملائكة 🧚🏻♀️ (الغمازات )
🔰 هي عبارة عن تشوه بإحدى عضلات الوجه التعبيرية يلي بتساعد على رفع الفم لما نضحك او نبتسم
بتسبب فجوات صغيرة بالوجه.
🔰مابس موجودة بالخدين كمان موجودة بالذقن واسفل الظهر .
🔰 يُعتقد بأنها وراثية .
🔰بتحدث الغمازات نتيجة انقسام العضلة الوجنية الكبرى إلى جزئين منفصلين و تعتبر العضلة مزدوجة او مشقوقة ، وطبعاً هالشي بكون بالمرحلة الجنينية
جزء من هالعضلة بيتصل بزاوية الفم والجزء التاني بيتصل ب اسفل زاوية الفم 😙
🔰 تعتبر جذاابة جداً ومرتبطة بالجمال…
🔰بس العلم ما تركلنا مجال نقول ياريت😌
لأنو ممكن اي شخص يعمل الغمازة بعملية بسيطة
بتكون كالتالي :
1-إجراء شق صغير بالمكان يلي رح تكون فيه الغمازة .
2- يتم ازالة كمية صغيرة من الانسجة.
3- يتم تمرير غرزة صغيرة تسمى القاذفة عبر الجلد والعضلات على جانبي المنطقة .
⚠️ طبعاً العملية بتكون من داخل الخد…
صح بسيطة بس بتضل عملية🌚
لهيك اقتنعوا بجمالكم وخليكم ع طبيعتكم مافي احلى من الطبيعة 🥰♥️…
● إعداد وتحرير :د . رغد يوسف بالوش
● المصدر العلمي :https://bit.ly/3nEndIF
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم