قلع الأسنان في المنزل

ميددوز || قلع الأسنان في المنزل

🚩 البانسة “أداة من عدة الوالد” تحت الأضواء ❗❗

ياعزيزي الإسباني الحمش لا تحرّكلا مشاعرا هيك!
مو صح تقلع أسنانك لوحدك.. كل شغلة الها ناسا😂…

💭هل عندك علم انو البانسة يلي ح تقلع ضرسك فيها عليها جراثيم تُعدّ ولا تحصى؟
لا ولله شكلك لاتعلم!

💭طيب عندك فكرة انو ممكن يصير عندك مضاعفات مابعد عملية القلع وبتحتاج لمتابعة عند الطبيب؟
كمان شكلو ماعندك فكرة!

💭وبتعرف انو ممكن تئذي اللثة وتسبب ضرر للأسنان المجاورة اذا قمت بقلع أحد أسنانك بنفسك بدون مساعدة طبيب؟
ولله بقص ايدي اذا بتعرف!

بس هلا اكيد توضحت الفكرة ما؟! 😌

⛔حط ببالك عدة أمور وقت تفكر تقلع أحد أسنانك لوحدك:

▪️ العقامة جداً مهمة
تفادياً للفطور والتقرحات والالتهابات يلي ممكن تصير بسبب الجراثيم المحيطة بالأداة المستعملة، حتى يمكن ان يصل الالتهاب للعظم!

▪️ لما تكون عند الطبيب مرجّح يصير عندك مضاعفات بدها متابعة فما بالك اذا قلعت أسنانك بدون مساعدتو؟؟

⚠️ من أهم هذه المضاعفات:
( النزيف الحاد مكان الخلع الحمّى صعوبة في البلع
التهاب العظم السنخي تلف في الأسنان المجاورة)

▪️لقلع الأسنان يتوجب التخدير في أغلب الحالات تفادياً للألم، واستخدام الأدوات الخاصة ب طبيب الأسنان و المخصصة لعمليات القلع، وقلع السن يتم ضمن أبعاد معيّنة ومدروسة بحيث ان تتم العملية دون أذية اللثة او الأسنان المجاورة.

ومن الميددوز دمتم انتم وأسنانكم بألف خير❤️

وخبرونا شي مرة قلعتو أحد اسنانكم لوحدكم بالبيت؟؟

● إعداد وتحرير :د. زينة سليمان يوسف
● المصدر العلمي :mayoclinic
مسابقة ميددوز

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم