كثير سألتونا عن الطريقة الصحيحة لتنظيف و تفريش الأسنان وبم

كثير سألتونا عن الطريقة الصحيحة لتنظيف و تفريش الأسنان وبما إنو نحن ليدكم فلا خوف عليكم فاليوم رح نتعرف بالتفصيل عالطريقة الصح ركّزوا معنا ….

عنا السطوح يلي من جهة الشفة و الخد بوجه فرشايتي بزاوية 45 درجة مع محور السن وباتجاه من الأعلى للأسفل بالفك العلوي ومن الأسفل للأعلى بالفك السفلي (يعني من اللون الأحمر للون الأبيض)

بالنسبة للسطوح يلي من جهة اللسان أو سقف الحلق فهون التوجيه مثل السابق و الحركة بتكون من الأعلى للأسفل بالفك العلوي ومن الأسفل للأعلى بالفك السفلي (يعني مثل السطوح الأولى بس مع حركات من الداخل للخارج)

أما السطوح يلي بتطبق عبعض وقت ناكل أو نعض فهون الحركة سهلة كثييير ، ماعليكن غير تحركوا فرشايتكن على هالسطوح وتمشوا بشكل أفقي .

وما ننسى المسافة بين كل سنين يلي بتم تنظيفها باستعمال الخيط بين السني بس طبعاً بلطف وهدوء بدون عدوانية ، وكمان اتذكروا تنظفوا خلف السن الأخير من كل فك بكل جهة .

الفيديو المرفق التالي لتوضيح الطريقة وتسهيلها عليكم .

وهلق يلا ورجونا إبداعاتكن بالتفريش ، وخبرونا اسئلتكن بالتعليقات ….. منّـي ومن الميـددوز كل الحب

إعداد وتحرير : د . مـاسـة أكـرم نعـيم

منظمـة مـيددوز ~ مصـدرك الموثـوق للمعلومـة الطبيـة
منصة صحة الفم السورية
مواضيع صحة الاسنان والفم