🚩 كذبة بيضا في من وراها قصَّة…❗
▪️أول شي بتعرفوا انو ضحكوا علينا بالابتدائي لما قالولنا فتحة الفم هي المدخل الأول لجهاز الهضم بس😐!؟
والله شكلكن ما بتعرفوا😆
وهلق خلونا نعرف سوا بهي القصة شو الي خبوه علينا:
🔰المريضة رهف كانت حياتها سعيدة لا كهربا ولا مي ولا مواصلات…
بعد فترة صارت حياتها أكثر سعادة لأنو زيادة عنن صار عندا ضعف بالتذوق
واستمرت سعادة حياة رهف لما صار عندا للصدفة ألم خفيف بأحد الأسنان
▪️هون رهف قررت تراجع دكتور الأسنان لتطلب استشارة❗
عند الفحص سألها الدكتور:
▫️ لسانك عم يوجعك!؟
▪️ كيف عرفت دكتور!؟
▫️وعالأغلب يارهف في عندك ضعف بالتذوق كمان.
هون رهف للحظة فكرت الدكتور ساحر…!! 🌝
🔰 غاب الدكتور لحظة وجاب صورة طبيعية لمظهر اللسان
وخلاها تقارن بين لون لسانها والصورة.
وهون لاحظت رهف لمعان و احمرار زائدين بلسانها
🔰وقتا طلب الدكتور من المريضة تحاليل للدم
لانو بهيك حالة الطبيب بيشك بوجود فقر دم.
وهلق كلكن عم تسألوا حالكن شو الشي يلي خبوه علينا❓
▪️الحقيقة انو فتحة الفم مو بس مدخل لجهاز الهضم
هي المدخل لصحة الجسم كلو وصورة عن حالة جسمنا العامة الجسدية والنفسية.
لهيك بس تلاحظوا أي تغير بالفم والأسنان عليكم ب طبيب الأسنان…
أحسن ما تزداد حياتكم سعادة؛ وسعادة حطوها بين قوسين عقولة سلنجو 🤣❤…
من الميددوز كل الحب… ❤️
●إعداد وتحرير : د. سامر رضوان.
●المصدر العلمي : https://www.dentalsleepstlouis.com/how-anemia-can-have-an-impact-on-oral-health.html
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم