متلازمة الموهوب (Savant Syndrome) 👨⚕️:
هيي حالة مثيرة للاهتمام ،بينصاب فيها شخص من بين مليون شخص وبتظهر عند الأشخاص يلي بعانو من اضطرابات عقلية مختلفة (التّوحد مثلاً)
الأشخاص يلي بينصابوا بمتلازمة الموهوب بكون عندن قدرات خاصة وعبقرية وبيتميّزوا بمواهب غير عادية بمجالات كتير (فن موسيقى رياضيات قدرات ميكانيكية) وحفظ التواريخ وتذكّرها دائماً.
♦️ أعراض المتلازمة :
الأشخاص المصابين بمتلازمة الموهوب بيمتلكو ذاكرة قوية وقدرة على تذكر وحفظ الاحصائيات الرياضية والبيانات والقراءة بسرعة كبيرة ،وحل الألغاز والشفرات وحفظ الأرقام وحسابا بطريقة سريعة حتى لو كانت عمليات حسابية معقدة كتير .
وبكون المصاب هادئ مع عدم قدرة على التواصل مع الآخرين غالب الأحيان .
الإصابة بالمرض بتبدأ من الولادة ،والعامل الوراثي بيلعب دور مهم،فالشخص بينصاب بمشاكل بالجهاز العصبي متل حدوث تلف في النصف الأيسر من الدماغ أو ممكن يكون سبب الحدوث هو الإصابة بطيف من أطياف التوحّد بيعطي الشخص المصاب ذكاء غير متوقع وموهبة عبقرية.
♦️ العلاج:
متلازمة الموهوب ما بتحتاج علاج أو تدخّل طبي ،بس بتحتاج تحفيز وتطوير مهارات الشخص المصاب
وأهمية معرفة المحيط فيه بهالمتلازمة النادرة وتقديم الدعم اللازم للحالة حتى يتحول من مريض لمبدع.
حسن شعيب حسامو
(سماعة حكيم)