كتير منا بخاف من فكرة العزل و الوحدة 🙁😣 وأنو اي حدا معو كورونا وفات ع المشفى خلص رح يموت ومافي مهرب من هالشي 🤷🏻♀️
عن تجربة شخصية والدتي كانت بحالة شوي صعبة ومعها ضيقة نفس طبعاً لجأنا ل مشفى تشرين العسكري ♥️ع قسم الإسعاف البديل👨🏼⚕️👩🏻⚕️ وعرفنا أنو أكسجتها منخفضة نتيجة الارتشاحات الرئوية وبعد ماعملت المسحة طلعت إيجابية 💔💔
خفنا كتير كتير وكنا قدام خيار :
👎🏻تروح ع البيت ومنأمنلها أكسجين
👍🏻تضل بالمشفى
فبعد استشارة الدكاترة اقتنعنا نحنا والوالدة اقتنعت أنو تضل لسلامتها وسلامة اللي حواليها🥰😷
ولما دخلت ع العزل هون تفاجأنا 😯
بالاهتمام الكبير والعناية الرائعة للفريق الطبي المتميز من أطباء وممرضين وممرضات👌🏻😍 .. ما بحسسوا المريض بوحدتو وبريحوه نفسياً وكأنون أهلو 👨👩👧👦
بالإضافة للنظافة الكاملة بشكل مستمر 🧼🧽والالتزام بمواعيد الأدوية 💊والطعام 😋
وعلى هالأساس تحسنت حالة والدتي النفسية أولاً بعدين الصحية لأنها طبعاً ما تخيلت هيك وكانت مفكرة أنو ما ح تطلع طيبة 💔 ( لاسمح الله)
ومن هالبوست بحب أشكر إدارة مشفى تشرين العسكري وكوادرها ♥️
وبتمنى أي حدا حاسس بأعراض كورونا 🦠 ما يترك حالو لهالمرحلة ويحط ثقتو بمشافينا و بأطبائنا 💉
البيت مانو آمن ممكن بأي لحظة ما تقدر تأمن أكسجين اوما حدا عندو خبرة حواليك وتفقد حياتك او حتى تخسر اللي بتحبون 💔
كونوا على وعي لسلامتكون ولسلامة الجميع ♥️
من قلبي بتمنالكون كل الصحة والعافية♥️
د.رهف محمد حبيب
من بريد الصفحة
(سماعة حكيم)