🚩 يا ترى بستخدم لمريضي كومبوزيت ولا أملغم 🤔 ؟!؟
أكيد ما بتختار يلي بحبو قلبك، نحنا رح نخبـرك، بـِ يلا عالسريري ….
مريضك عندو عناية عالية بصحة الفم، بس عندو نخر 💔معناها الحشوة الأنسب هي حشوة الكمبوزيت 👌.
ولنخبــركم بالتفصـيل الخاصّـة بهالحشـوة :
⛔ أوّل خطوة هيي عزل السن بواسطة الحاجز المطاطي [ انتبهوا حشوة الكمبوزيت #حساسه كتييير للرطوبه ].
⛔ التحضير سهل وسريع :
⚠️ بدنا سنبلة شاقة، ونحاول نعطي شكل الحفرة و نحن عم نشيل النخر .
⚠️ عمق الحفرة مو محدد متل الأملغم، بس لازم نشيل كلشي عيوب .
⚠️ مندخل من خلال الوهده الأعمق و منشيل النخر .
⚠️ إذا كان عميق، وخايف تقرب عاللب استخدم سنبلة كرويه على قبضة الميكرتور .
⚠️ منستخدم مجارف العاج بس يبطل يطلع معنا عاج طري معناها تخلصنا من كل النخر .
⚠️ وآخر شي منعمل شطب للحواف، من أجل ختم جيد وجمالية أعلى .
⛔ وهـلا صرنا جاهزين لباقي المراحل :
⚠️ التخريش : بحمض الفوسفور، لمـدة ١٥ ثانية للعاج و ٣٠ ثانية للميناء [ خرش الميناء و العاج سوا ١٥ ثانية بعدين خرش المينا لحالها ١٥ ثانية ] .
⚠️ الغسل والتجفيف : بهي المرحله خليك حنون عالسن كرمال ما يصير في حساسية بعد الترميم و نحن عم نجفف حيطلع معنا مظهر طبشوري، و هو المطلوب .
⚠️ تطبيق البوند : منستخدم فرشاة بوند، ومنطبق طبقة رقيقة على جدران الحفرة، بعدها منعمل فرش للبوند بواسطة سيرنغ الهواء بشكل لطيف لنضمن ثخانة متجانسة على كامل الحفرة و منصلب لمدة ١٠ ثوان .
⛔ وهلا بدنا نرمم بالكومبوزيت :
⚠️ لازم تعرف أن كل ما قل عدد الجدران المرتبطه مع كل دفعة كمبوزيت كان تقلص الحشوة أقل [ العامل C ] كيف يعني ؟!؟
⚠️ يعني لازم نرمم السن على دفعات و على شكل الحدبات
وفينا نستعمل سيرنغات الكومبوزيت مثلاً للمناطق الضيقة والعميقة، وبعدها منعملها كونسينديشن خفيف بواسطة أداة دك الكومبوزيت .
⚠️ يُنصح بأنو تكون الدفعات بسماكة ٢ ملم وتُبنى بشكل هندسي هرمي .
⚠️ ولحتى توصل للشكل المثالي الجميل بس اتبع الغايد لاينز الموجودة عالسطح الاطباقي للتاج وأبدع 🔥.
⚠️ واشتغل عالحدبات حبّة حبّة .
⚠️ ضروري نرجّع المعالم التشريحية الهامة متل الارتفاع المعترض بالرحى العلوية الأولى، وبتكفي ترميم بسماكة ٢ ملم لكل حدبة مع إعطاء الشكل التشريحي للسن و منصلب كل دفعة لحالها لمدة ٢٠ ثانية .
⚠️ آخر دفعة من الكمبوزيت منصلبها بمعزل عن الهواء [ منطليها بطبقة غليسيرين او منحط مسندة سيلوئيد فوقها المهم تخنقها بلا اوكسجين 😂 ] لمدة ٤٠ ثانية .
⛔ إنــهاء وتلميع الحشوة أخيرا :
⚠️ بهي المرحلة فينا نشيل الحاجز المطاطي، ومنستخدم سنابل الإنهاء [ عليها خط أصفر ] .
⚠️ وفينا نستعمل بعدها الأقراص بشكل متسلسل من الخشن للناعم .
⚠️منفحص بورق العض ارتفاع الحشوة .
⚠️بس صار الترميم مناسب من حيث الشكل و الارتفاع منتهي باستخدام رؤوس مطاط على قبضة الميكراتور بدنا لون ( أبيض – أصفر- زهر ) بلتدريج لنحصل على حشوة ناعمه .
وهيك بتكون خلصت واحد من أجمل أعمالك زميلي العزيز 😍👌 ..
منتمنالكم فصل مليء بالإنجازات الحلوة ..❤..
إعداد وتحرير : د.مـصطفى عـبـد القـادر ســرور .
مــــيددوز ~ مـــــصدرك للـــــمعلومات الـــــطبية الــــــموثوقة 🛡 .
مواضيع صحة الاسنان والفم