مافي أي شركة أو مؤسسة أو مشروع يخلو من مناصب و وظائف اقتصادية

ليك ليك … لا تعلا و لا توطا … انت آخرتك كاشير مثقف بمحل شاورما !
– بتدرس 4 سنين لتقعد ورا الدرج وتعد مصاري وتساوي حسابات متلك متل أي شخص ما معو تاسع ومتعلم عكم برنامج محاسبة وشاطر شوي بالحسابات
– حتى جارنا السمان أب محمود عندو دفتر حسابات ومن كم يوم جاب برنامج محاسبة و باركود عالمحل وعم يعرف يشتغل عليه فلا تشوف حالك !
و غيرها كتير من العبارات الشائعة الخاطئة بوسطنا السوري حول الاقتصادي ظلماً 😥 …
وخلينا نقلك ليش ….
– مافي أي شركة أو مؤسسة أو مشروع يخلو من مناصب و وظائف اقتصادية
– الاقتصادي هو طالب نجح بعلامات جيدة جداً بامتحان الشهادة الثانوية وبالغالب هو مجمع فوق ال 200 .
– درس 4 سنين مقررات مو سهلة أبدا و بتحكي عن تفاصيل حلوة ودقيقة بتخص اقتصاد العالم وكيفية إدارة ثروات العالم والموارد الموجودة فيه .
– الاقتصادي بيدرس كيف يخلي العالم تدير أموالها بشكل صح وبيقدم لأصحاب المشاريع والمحلات استشارات مالية بتفيدهن .
– الاقتصادي بيدرس معظم المشاكل الاقتصادية يللي بتمرء فيها الدول بالأزمات وبيكون قادر على التنبؤ فيها واقتراح الحلول الها.
الاقتصادي بيدرس كيفية الاعتناء بالموظفين و إدراتهن ضمن الشركات والمؤسسات وتحقيق أعلى مصلحة الهن وللمشروع بنفس الوقت .
الاقتصادي بيدرس كيفية استقطاب و إرضاء زبائن أوعملاء أي مؤسسة وكيف منعمل عندهن ولاء تجاه هي المؤسسة .

– الاقتصادي فيه يكمل بعد ال4 سنين عدة سنوات ماستر و دكتوراه … و هالشي بيعمل منو شخص ذو علم كبير جداً
– الاقتصادي الناجح بيكون شخص عملي وبكتير من الأحيان بيبدا شغل وتطوع من هو وطالب سنة3 ليبدا يفوت بسوق العمل ويتعرف عالحياة العملية
و كتير من الاشيا يللي بحاجة اوقات كبيرة لنحكي عنها و لأنو ما بيستحق هي السمعة لي بتنطلق عليه بشكل ظالم !
مع احترامنا لكلللل المهن والدراسات التانية لأنو نحن عم نوضح صورة الاقتصادي دون المساس بأهمية أي فرع أو دراسة تانية
انضمو للغروب لتعرفو تفاصيل اكتر عن الحياة الجامعية وعن الاقتصاد
فريق عباقرة الاقتصاد 2021-2025