تحملتيني ٩ شهور ببطنك و سهرتي عليي تراقبيني بعيونك كل دقيقة بكل حب لتشوفي كيف عم اكبر حرزانة تخسريني لان ما نمت بكير و ضليت ابكي لان ممغوص تقومي مشان ماتضربيني طبوشة ع الحفوضة تحمليني تهزيني بقوة بتعرفي اني هك ممكن موت !! 🥺
✔️لما بخلق بكون دماغي لسا صغير و ما بيتحمل غير حبك بكل خلية بيكون متل الطابة يلي بقلب كاسة مي محيط فيه سائل دماغي شوكي و موجود بقلب الجمجمة
✔️بس متل ماقلتلك دماغي لسا صغير لما رح تحمليني و تهزيني بقوة رح تضرب هالطابة بجدران الجمجمة لان كمان رقبتي طرية لسا مافيها تحمل وزن راسي و تثبتو بالنتيجة رح يصير عنا شي اسمو
متلازمة هز الرضيع
✔️هو إصابة في الجمجمة والمكونات داخل الجمجمة بسبب الاهتزاز العنيف و / أو الصدمة المفاجئة
✔️يعتمد تشخيص المتلازمة على وجود مكونات متعددة أهمها الورم الدموي تحت الجافية ، ونزيف بشبكية العين💔
✔️و في حال تضخم الورم الدموي مما يؤدي إلى زيادة الضغط داخل الجمجمة والمزيد من تلف الدماغ
✨ للاسف هالمتلازمة مرتبطة بسوء معاملة الاطفال و منتشرة بكل العالم و ع اختلاف ثقافاتا بتتراوح الاصابة المحتملة من صعوبات التعلم البسيطة إلى الإعاقات الشديدة والوفاة.
✔️بالنسبة للعلاج :
✨معظم الرضع بحاجة رعاية داعمة.
✨يجب الحفاظ على العلامات الحيوية.
✨ يجب مراقبة الضغط داخل الجمجمة لضمان الحفاظ على ضغط التروية الدماغي المناسب
✔️اما الوقاية منستنتجا سوا هيي تجنب السقوط حماية الراس دعم الرقبة و الراس اثناء الحمل و عدم الهز بقوة و حضون صغير و بوسة ع جبيني بتخليني اغفى مابعرف عبّرلك اديش بحبك و اديش ممغوص غير اني عذبك تحمليني بس ليكبر عقلي🥺💙
اعداد و تحرير : الدكتورة ميار صالح
المصدر: https://mayocl.in/3sEIWTw
منظمة ميددوز~مصدرك الموثوق للمعلومة الطبية
(ميددوز)