من الاخلاقيات قبل ما إلمس اي طفل اسأله اذا بيسمحلي حتى لو مابيعرف يحكي كلمتين بعدين اسال اهلو شبو ..
حبيت آخد القصص منهم يلي كانت اغلبها بمنتهى الوعي ( انا هون الي زمان بس رح اطلع و ارجع ع مدرستي …بتعرفي دكتورة انا كنت شاطر كتير بالمدرسة بس فجاة تعبت و اخدوني ع المشفى لهون بس بكرا بطيب مو ؟ )
طفلة تانية مابعرف كيف ماخجل المرض من وجها كان عندا ورم و خسرت بصرها و مع ذلك ماانتبهنا اصلا انو مابتشوف و البسمة مرافقتا و تاخد و تعطي و احلامها
مابتوقفا
كمية القوة و الامل يلي بعيونن مابتنوصف !
لدرجة في طفل خجلت تقّل عليه قلتلو اذا عم اتغالظ عليك بروح ..ابدااا ترك اكلو و قعد يحكيلي كأنو رجال بجبروتو و هو عمرو ٦ سنين بعد ماخلصنا طلب مي لياخد الدوا يلي حطو بكفو مشان مايضيع من لما دخلنا غرفتو بس حتى نضل عندو ما حكا و بعدا زبط الحذاء تبعو و قام ع موعد جرعتو مع ضحكة ولا يمكن ننساها
القصص كتير بس هي خصوصية مرضى مافيي اسردها بدون غرض هادف
لكن باليـوم الـعالمي لسرطـان الأطفـال مابصير يمر بدون دعوة صافية تشفيهم و تخفف عنهم تعبهم و يطيب خاطر امهاتهم يلي الدمعة بعيونن 💙
توثيـق : الدكتـورة ميار صالح
منظمـة مـيددوز ~ مصـدرك الموثـوق للمعلومـة الطبيـة
(ميددوز)