و بالحب نرسم حكايات💙
🌸وتُسمعني حين تُرضِعني
تعويذات مكاغاة ليست كالكلمات
🌸 أُسمِعها حين تناديني
طلاسم و كثير من اللغات 🙊
نبدأُها ب كغٍ ( ٨ اسابيع)
ننهيها بدردشةٍ و كثير من الاصوات (12 اسبوع ( ٣ شهور) 🙊
بل ٦ شهور رح بلش اضحك بصوت عالي و احكي الغير مفهوم من الكلمات
ع فكرة و انا مو فهمانا بس عطيني نظرة الحكمة و الثقة بالذات😂😎
خبرك سر قبل ما نكمل تلحين.🙊.انو كل الاصوات يلي رح طلعا رح تكون بتشبه صوتك حتى لو اني صبي او حتى لو نحنا اجانب او من الموزمبيق رح قلّد لحن صوتك انتي و بس🙊
٧ شهور ببلش الفظ نص الكلمة ..با…دا و انتو كملوهن مالي حيل اصرف طاقات
بل ١٠ ل ١١ شهر بحكي كلمة كاملة بابا..دادا و وقتا هرمون السعادة رح حسو زاد💃😋
لا تزعلي لفظت اسم بابا قبلك بس لان اسهل و مابدو عناء
بطبّق شفايفي ع بعض و بنفخ بتطلع بابا و كلو رواق 😚
وتعود فيروزتي للغناء
لتأخذني من تحت ذراعي 😋
وتزرعني بارض حضونا الدافي🙊
و انا كالراديو في يدها
أُقلّد كل الاصوات (48اسبوع)🤗
و انا كالرادار في يدها
انظر الى كل المقصودات🧐
(يعني لف و تف ع خالو رح يلف ع خالو بالتحديد اما انتي هاتي بوسة والله بحبك هي المهارة بل ١٥ شهر
و اذا قلتيلي طيري جيبي البوط نروح باي رح جيبو من حيث لا تدري انا خافيه اصلا😂)
أخبرها اني وحشٌ و أطلِق مجموعة صيحات 🙊
مياو او عو او غير اصوات
(تقليد اصوات الحيوانات و انا متخبى ورا عصا المسّاحة و ع فكرة لازم تخافي مشان مانزعل من بعض هي المهارة بعمر السنة )
تخبرني اني كنز و بإني اجمل ما شاهدت من مخلوقات🙊
يروي أشياءَ تدوخني
تنسيني الطبخةَ والخطوات (٤ ل ٥ سنوات)
يروي أسئلةَ تدوخني( 3سنوات)
تنسيني اسميَ والاجابات
كلماتٍ تقلبُ نفسيتي
تجعلني اندم اني صرت أمٌ في لحظات 😂😂
📌الكلام بيعتمد ع البيئة ممكن نحكي كلمات قبل ال٨ شهور و ممكن كون ذكي كتير بس مااحكي قبل ٣ ل ٤ سنوات( بعد هاد العمر بيكون في شي مو طبيعي)..
مهمتك تكتشفي اني ذكي او عم اتذاكى و نروح ع الطبيب
ليقيّم النطق و لساني و عضلات تمي و حنكي و بالاضافة لتخطيط السمع و هو الاهم
📌 بشكل عام تتعلم البنات النطق قبل الذكور
مشاكل التلعثم شائعة بعمر ال ٢ لل ٣ سنوات لذلك كتير مهم نسمعو لهالراديو الصغير لاخر كلمة مشان مايرجع يعيد و يتئتئ و نقوي ثقتو بنفسو و انو عم يحكي شي مهم و هو عم يشرح كيف انكسر قلم الحمرا لحااالو و هو عم يكتب فيه ع الحيط💙
و ع سيرة الرسم ع الحيطان و بما اني صرت بحكي لازم ادعم حكيي بخطة رسم سليمة لاشرحلك الموقف بكل ذكاء
رح تلاقي خط طويييييل (ب طولي يعني لان رح ارسم خط مستقيم عمودي من فوق لتحت 🙊 بعمر السنتين هالحركة الخطيرة رح تكون سبب كل خناق
و بعد القتلة رح اتعلم ارسم خط افقي من باب غرفتك لباب الحمام بنفس قلم الحمرا بعمر السنتين ونص يفضل تضلي رواق
بالسنة التالتة حتى رح ارسمك انتي عبارة عن جذع بشكل دائرة طالع منها ٤ اطراف و ارسم جنبك شمس حبنا عم ترقعك رقع ع بين ما أمّنت حالي و جبتلك مخطط البيت بل ٤ سنوات😂
بعدا رح اكتشف انو رسمتك غلط و بصلّح شغلي بل٤ سنوات جذع و طالعة اليدين من القدمين لا تساليني كيف بس هيك بشوفك لما تحوصي بالبيت شغل كل الساعات 🙊
بعمر ال ٥ سنوات برسملك حبيبتي بالروضة يلي عطيتا سندويشتي مع اماكن الاطراف بشكل صحيح و شعرات طوال و رح ضل كل الليل كش و اروي حكايات🙊 بس هلا رح خلي باقي التطورات لغير بوستات🙊
اعداد و تحرير: د ميار صالح💙
مــــيددوز ~ مـــــصدرك للـــــمعلومات الـــــطبية الــــــموثوقة 🛡
(ميددوز)