مرحباً للجّميع….
يسعدلي أوقاتكم جميعاً طلّاب وطالبات صف التّاسع بكافّة أنحاء الجّمهوريّة العربيّة السّوريّة…
هاد البوست مخصص لألكم ولأهاليكم…
بدايةً معكم أ.حسن سامر حيدر أستاذ رياضيّات للمرحلة الإعدادية ،وطالب هندسة معلوماتية بجامعة تشرين…
حبايب قلبي الاثنين يوم الرياضيات بتمنى من صميم قلبي يكون الكلّ تقريباً مخلّص كلشي بالمادة ومبلّش مراجعات نهائية …
طبعاً التوتر والخوف بتوقع يكون قبل أول مادة وهلا لازم يكون صار الامتحان قدامكم شي عادي ولو كان رياضيات مادة ضخمه نوعاً ما وفيها أفكار منيح لكن هيي سهلة وبسيطة بإذن اللهمارح قول أنو هي توقعات لأن مافي شي اسمو توقعات أو ماشابه لكن الشي رح قوله أنو في شغلات إجباري رح يجي منها:
1) غالباً تمرين النّشر والتحليل منشوفو من ضمن التمارين الخمسة،وهنن سهلين كتير عليكم بإذن الله ،النشر إمّا توزيع عادي أو مطابقات ،والتحليل عامل مشترك ،أو فرق مربع حدّين ،أو جذر الأول إشارة الثاني جذر الثالث والكل للتربيع وأهم شي بهي الحالة نرتب الحدود تصاعدياً أو تنازلياً من حيث درجة الأس،وأكيد رح يجي طلب أوجد قيمة العبارة Aمثلا في
حالة x=…. ،وحل المعادلة A=0 بهي الحالة بعوّض مكان A ناتج تحليلها لحتّى يصير عندي جداء صفري،وبأغلب الأحيان إذا أجاني حل المعادلة عدد غير الصفرA= فبعوض مكان Aناتج نشرها..وهاد النوع من التمارين حتماً جاية منو..
2)المتراجحات وتمثليها على مستقيم الأعداد والتحقق من كون هالعدد بمثّل حل لهالمتراجحه أولاء أكيد سؤال بسيط وتعويض فقط وأكيد رح يجيكن هيك شي..
3) تطبيق مبرهنة فيثاغورث لحساب طول ضلع مجهول أو طولي ضلعين مجهولين بمثلث قائم،و عكسها للتحقق من أنو المثلث قائم أولا……ومبرهنة النسب
الثلاث(تالس) لحساب أطوال أضلاع مجهولة، وعكسها للتحقق من التوازي أو التقاطع أكيد جايين ومهمين كتيير وأغلب أسئلة الدورات تطبيق عهدول المبرهنات…لهيك لابد من التركيز عليهن بشكل كوييس
4) إيجاد الGCD، بالطرق التلاته مهم جدّاً ..واختصار كسور وتبسيط عمليات حسابية،والجذور التربيعية كمان لازم نركز عليهن وفكرة جذر داخل جذر يعني جذور جوا بعضها كمان كتيير مهمه ومكررة بأسئلة الدورات…
5)درس القوى كمان إجا منو كذا مرة تمرين عادي وإجا منو بالصح والخطأ عدّة مرات ،ركزّوا عالقوانين ولاتخربطوا بيناتهن…
6)حل معادلات بالطريقة المألوفة البسيطة او جداء صفري مافي دورة بتخلا منو ،+أحد أهم التمارين تمرين دائرة مع مثلثات أو مستطيل أو مربع…(بقلب الدائرة احتمال يجي أي شكل هندسي لاعلى التعيين )لهيك من المفروض تكونوا بتعرفوا مساحات ومحيطات وخواص كل الأشكال الهندسية…
7)تمرين الاحتمالات تكرر كتير..حساب المدى والمعدل والمنوال والرُّبيعات الثلاث ع طول بيجي كتمرين لحالو ،وإجا كذا مرة بالاختياري لهيك حتماً رح يجيكن منو..+تمرين حساب احتمال حدث ما ع طول بيجي وكتير بسيط..والحدثين المتنافيين والمتعاكسين ركزوا عليهن بشكل كتير منيح /مهميين/،ومن درس الأحداث المركبة لاحظت نادراً ليجي منو بس بالنماذج الوزارية لاحظت تمرين من هالدرس لهيك ركزوا عليه وهوي كتير بسيط ،+ أفكار الاجتماع والتقاطع والمتمم….(بيجي منهن ع طول )
8)التابع بسيط كتير ومهم كتير ولازم نفهمو بشكل منيح كونوا أكتر شي رح يمر معنا بالثانوي وهوي سهل كتير إيجاد مجموعة التعريف وإيجاد مجموعة المستقر الفعلي هدول من الرسمه حصراً عندكن ياها،وإيجاد صورة أو سلف أكييد جايين واحتمال يجي التابع بأي طريقة مافي ولا طريقة مستبعدة (خط بياني,جدول,قاعدة ربط يعني صيغة تابع عادية)
9) بالنسبة لمسألتين ال100 ف دائماً عم تجي أول مسألة حل جمل معادلات خطية جبريا/حذف بالجمع ،وحذف بالتعويض/ًوهندسيّاً /رسم يعني/وإيجاد نقاط التقاطع مع المحاور الإحداثية والتحقق إذا كانت نقطة ما بتنتمي لهالمستقيم أولا طبعاً من خلال عملية التعويض بس سهلة كتيييرونصيحه قبل ماترسموا المستقيمين أول شي حطوا عالرسمه إحداثيات نقطة الحل المشترك الجبري وهي النقطة يلي لازم يتقاطع فيها المستقيمين إجبااااري…
أما بالنسبة للمسألة التانية ف هيي مسألة دائرة ومثلثات وتشابه ورباعي دائري كالعادة،ولامرة إجت المسألة الثانية مسألة مجسمات وأنا بستبعد هالشي يجي السنه بس لازم نركّز ع قوانين المجسمات ومقاطع المجسمات لأن رح يجي تمرين أو صح وخطأ واحتمال ضعيف تجي مسألة 100 مجسمات…
10) أخيراً بتمنى منكن تهدوا أعصابكن وماتتوتروا أبداً والرياضيات بسيطة كتير وطالما أنت دارس وحالل تمارين الكتاب ف قادر تجيب 600 برياحة بإذن الله
بتمنى علامات كاملة وستميات كاملة لطلابي بالدورات الصيفية كانوا او الشتوية وأيضاً لكل
طلاب وطالبات سوريا
