✨» نحنا حابين نكتب عن موضوع هاد الـمنشور بـالذات .. بعد ما كل سوريا مبارح حكت فيه و صار قضية رأي عام .. و لكل شخص رأي خاص و جمهور مشجع.
✨» باعتبار وجود المنصة كمنبر طبي عربي و ليس سوري فقط ؛ حبينا نلقي الضوء من جديد و نشرح تفاصيل هاد المنشور بعد كتير آراء متناقضة .
💊» خلونــا نــعرف أكــتر .
✔ السيروم الملحي ؛ سائل بيشبه المي بس معقم وفيه شوارد .. منستخدمه بتعويض السوائل للمرضى بكتير حالات طبية .
✔» في حالة بتوصل للمشفى ؛ و هي حالة :
💉نفسية غالباً و ببعض الاحيان ما بينفي تكون دلال …
💉بحيث انه بيجي الشخص ( صبية غالباً ؛ و الذكور بنسبة أقل ) بأعراض تعب و رجفة و لهتة و احياناً بتوصل المريضة بحالة إغماء .
☑» الطبيب بيفحصها فحص شامل
نبض ؛ ضغط ؛ حرارة ؛ أكسجة ؛ تحاليل دم شاملة ؛ علامات عصبية ؛ بيفحص القلب و الصدر والأصوات القلبية و التنفسية .. بياخد سوابقها للمريضة ؛ و امراضها و بياخد ملخص عن لي صاير معها .
☑» بعد الفحص الشامل بيتبين أنو المريضة ما فيها اي شي مو طبيعي … و كل شي عندها مية بالمية طبيعي.
☑» و لهاد السبب وبعد التأكد من أنو كلشي طبيعي ؛ منعطيها ابرة من السيروم … و فجأة بتتحسن المريضة ..
☑ » هاد التأثير هو (تأثير الدواء الوهمي بــلاسيبو ) … بحيث بيتحسن المريض لمجرد تخيله انو اخد دوا.
🔴» ميددوز ~ المنصة لي صارت معروفة عند الجميع ؛ منحكي عن كل ما يتعلق بالطب و الصحة حتى بأدق التفاصيل
و قدرنا نوصل الطب للجميع أطباء و غير أطباء بشكل مختلف و جديد و نشرنا وعي طبي غير مسبوق.
💊» و هاد المنشور كان فيه عدة غايات :
1- توضيح إجراء طبي ما كل الناس بتعرفه
2- كتير من طلاب الطب لازم يعرفوه أذا انحكا قدامن
3- توضيح دور الحالة النفسية بالمرض و العلاج
✨مبارح وقت نزل المنشور ؛ نزل ببساطته و ما كنا متوقعين أنو رح يتحول لقضية رأي عام و كل شخص ينسخ المنشور و ياخد رأي خاص و يجمع جمهور هجومي تجاه الفكرة البسيطة أعلاه.
✨و يقودوا معركة جنونية عالمنشور .. و تبدأ الكلمات البشعة تنهال عالطب و الأطباء بسوريا … الأطباء لي بيعرفهن بيعرف أنن من أمهر الأطباء بالعالم و من أذكاهن و من أفطنهن و أكترهم تعب و تفاني.
⛔ ولحد هاللحظة نحنا عنجد ما عم نقدر نفهم شو لي بيدفع الناس تقلل أدب ؟! يعني شو الحلو بقلة الأدب ؟! و بيفتخر الشخص بحالو انو عم يحكي كلمات بشعة و مقرفة ؟!
الفكرة كتير بسيطة .. و انحكت بطريقة واضحة ..
وحبينا نوضح من جديد ؛ مو للتبرير أبداً
و إنما جمهورنا هو جمهور منحبه و بيبحنا
و من واجبنا نوقف جنبه حتى بأبسط الافكار لي بتخطر بباله
ميددوز
(ميددوز)