داخلين علي الشتا ومعظمنا بياخد مصل الأنفلونزا Influvac
فهنتكلم عنه
عباره عن حقنه بتتاخد مره واحده ف السنه للوقايه من الاصابه بڤيروس الانفلونزا..
⬅️طب ليه بنعطي مصل الانفلونزا ؟؟؟
👈🏾الانفلونزا اخطر من نزلات البرد لانها بتسبب ارتفاع درجه الحرارة مع الام ف الجسم وممكن تتطور لإلتهاب رئوي
👈🏾الانفلونزا عدوي ڤيروسيه يعني المضاد الحيوي مَش هيجيب نتيجه معاها وبالتالي أفضل حل هو الوقايه.
⬅️أفضل وقت للتطعيم هو بدايه شهر ١٠ ونهايه شهر ١٢
⬅️اكتر ناس محتاجه المصل ده هم كبار السن الأكبر من ٦٥ سنه اللي عندهم أمراض مزمنه زي القلب والسكر وامراض الجهاز التنفسي الحوامل من بعد الشهر التالت من الحمل والاطفال بعد سن ٦ شهور
⬅️المصل لازم يوضع ف التلاجه لانه بيحفظ عن درجه حراره من ٢ ل ٨😍😍😍😍
⬅️علي فكره ممكن شخص ياخد مصل الانفلونزا ويصاب بعديها ببرد عادي جدا …طب ازاي ؟؟؟
👈🏾ممكن الشخص واحنا بنديله المصل ممكن يكون حامل للعدوي بس لسه الأعراض مظهرتش عليه فممكن تظهر بعد ايّام من اخذه المصل فيفتكر ان المصل هو اللي سبب ليه العدوي ..بس طبعا دي مش صحيح
⬅️هو ليه المصل بيتاخد مره كل سنه ؟؟
👈🏾لان ببساطه الانفلونزا سببها ڤيروس والڤيروس ده بطبيعته بيتحور وبيتطور عشان كده لازم كل سنه عشان نحصل علي أكبر قدر من المناعه..
وعلي فكره كل سنه المصل بيتغير بمعني ايه ؟؟
👈🏾المصل بيتكون من ثلاثه انواع ميته فقط من الڤيروسات المسببه للإنفلونزا..ومنظمه الصحه العالميه هي اللي بتحدد ايه ال ٣ فيروسات دول كل سنه
🎊🎊🎊🎊🎊🎊🎊
⬅️مصل الانفلونزا بيبدأ يحمي الجسم بعد أسبوع ل ١٠ ايّام من اخد المصل .وهو أصلا بيتاخد عضل أو تحت الجلد .
⬅️طب هو جرعته ازاي ؟؟؟؟؟
👈🏾الأطفال من سن ٦ شهور حتي ٣ سنوات :-
بياخد نص الحقنه يعني 0.25 مللي
👈🏾الأطفال بعد سن ٣ سنوات والكبار
بياخدوا الحقنه كامله يعني 0.5 مللي
💥بالنسبة للأطفال اللي هياخدوا المصل اول مره بيفضل اعطاء جرعه تانيه تأكيديه بعد شهر من الجرعه الأولي
وبنفكركم
ولو بتفكر تتميز في مجال التجميل والتجميل الطبي 🤗
فعندنا اقوى دبلومة متخصصة في مجالي التجميل والتجميل الطبي
ادخل اللينك وشوف آراء الزملاء اللي شاركوا معانا 😍🤩
101654658812173/?d=n
د. بسام بركات
مواضيع التجميل والصحة و الجمال