مـن أنـا ؟! منطقة مؤلمة بالفم مزعجة ، لكن! غير مؤذية
بعض الاشخاص يجدون أنه من الصعب تناول الطعام والشراب و تنظيف الأسنان بوجودي
لي عدة أحجام ، و الأعراض يلي رح سببها رح تكون بناءً عحجمي ونوعي يلي بكون أغلب الاحيان حميد لكن متكرر
و أنواعي هيي كبير … صغير … هربسي …
عكس المتعارف عليه إنو التدخين هوي سبب لكثير مشاكل ! أنا هون خالف تعرف فرح يكون الإقلاع عن التدخين سبب مفاقم لأعراضي وازعاجي
كونوا أبطال وجربوا كلوا حامض أو حد بوجودي المشرف وشوفو شو رح يصير فيكن
اذا استمريت أكثر من ٣ أسابيع أو صرت جمع أخوتي وصرنا كثار أو لاحظت آفات جديدة وعملنالك حفلة بتمك ويلا هايصو هايصو ساعتها انت يلي رح تهيص يا كبير وبوجهك لعند دكتورك فوراً
مع انو أعراضي مزعجة بس انا ضيف مذوق وخفيف لهيك رح تلاقوني اختفيت بعد اسبوعين عند أغلب الناس بأغلب الحالات
وهون معكم شخصياً القلاع أو القرحات القلاعية
يلي رح نتبحر بالحكي عنو هاد الأسبوع … انطرونا
منّـي ومن الميـددوز ؛ كل الحب والسلام
– إعـداد : د . مـاسـة أكـرم نعـيم
– المصـدر الـعلمي : Medical news today
” رابط المصدر بالتعليقات ”
منظمـة مـيددوز ~ مصـدرك الموثـوق للمعلومـة الطبيـة
منصة صحة الفم السورية
مواضيع صحة الاسنان والفم