وقت كنت بكالوريا ما كنت شاطر فيها منيح، بس رفيقي كان عبقري فيها كانت مل علاماتو بالمذاكرات والامتحان النصفي 600، المهم صار هو يدرسني هالمادة وتمكنت فيها منيح بفضلو ❤
رحنا قدمنا الامتحانات وخلصنا وطلعت النتائج، وهون أنا بتفاجئ 😳😳
أنا جايب بالرياضيات 580 ورفيقي جايب 523 💔
سألتو لك ليش هيك جايب فيها كنت متوقعك تجيب فيها التامة 💔
قلي: من قبل بيوم الامتحان بحكي مع رفقاتي وهنن كلهن يقولولي هي أصعب مادة وهي رح يضربونا فيها وهي رح تنزل معدلك، وقبل ما فوت عالقاعة قعدت مع طلاب كلهن يقولوا الأسئلة رح تجي صعبة وإن شاء الله بس ننجح ومن هالحكي…
أنا دخلت الامتحان والخوف والتوتر مسيطر عليي شفت الأسئلة سهلة بس حس أنو في شي مخبى ما بعرف كيف جاوبت وطلعت💔💔
وهي الشي عم يصير مع كتير طلاب هلأ، لا تردوا ع حكي حدا، وخليكم ثقة بحالكم وبدراستكم، الرياضيات مو صعبة، وإذا درستوا سهل تجيبوا فيها العلامة التامة، بس أهم شغلة بعدو عن الأشخاص اللي بوتروكم وبخوفوكم ❤❤
✅