نخور أسنان الأطفال بتسبب كتير مشاكل لقدام
🚩 المسؤولية عَ أطفالنا؛ فيها مسؤولية عأسنانهم كمان.
من أشيع المناقشات يلي بتدور بين الطبيب وبين أهل الطفل:
👩👧دكتور بنتي عمرها 4 سنين وعندا نخور بكل أسنانها شو السبب ؟
انا قلت مافي داعي نعالجن، بكرا بيهرو لحالن وبيطلع بدالن الأسنان الدائمة شو رأيك انت ؟!
👩⚕️لا يا خالة شو عم تحكي نخور الطفولة بتسبب كتير مشاكل لقدام رح اشرحلك شوي…👇👇
⭕ طبعاً أغلب الأمهات بتقول مافي أهمية ل نحافظ عالأسنان المؤقتة لكن في حال تم فقد أحد الأسنان المؤقتة باكراً ~> من الممكن أن تنسل أو (تتحرك) الأسنان وبالتالي مارح تترك مسافة للسن الدائم لحتى يبزغ.
⭕ وكمان غير هيك اذا أهملنا هاد الشي رح يسببلنا كتير آلام وإزعاج ويمكن يصير عنا انتانات بتهدد حياة طفلنا.
⭕ طبعاً عنا كتير أسباب لكن السبب الأساسي عند الأطفال الحلوين 👼هو( تكرار ) كمية الحلويات و الشوكولا خلال اليوم مع باقي الوجبات.
اكيد لازم ماننسى أنو مافي عنا عناية فموية جيدة مع هاد العمر الصغير 🚼…
⭕ و أغلب الأمهات بيتركوا اولادن نايمين ومعاهم زجاجة الحليب أو العصير 🍼، وهالشي بسبب نخور معممة منسميها بلغتنا نخور الطفولة المبكرة .
⭕ وبالتالي لازم نتبع الخطوات التالية لصحة جيدة للفم والأسنان:
☑️رتب موعداً لطفلك لرؤية الطبيب قبل بلوغه عمر السنة.
☑️ تأكد فيما إذا كانت المياه حاوية على فلورايد لأن الفلورايد طريقة فعالة لتقوية الأسنان وحمايتها من النخر.
☑️تقليل كمية السكريات .
☑️ فرِّش أسنان طفلك مرتين يومياً مدة دقيقتين ويفضل وقت التفريش أن يكون بعد الفطور أو قبل النوم.
دمتم أنتم وأطفالكم بصحة جيدة..❤️
● إعداد : د. دانا منصور.
● التحرير والتدقيق علمي : د. أريج محمد نجهاني.
● المصدر العلمي :
https://bit.ly/3AGZg8U
https://bit.ly/3CLBSsp
https://bit.ly/3g0HGou
https://bit.ly/2VU9dAr
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم