1️⃣ معرفة نوع بشرتنا :
هي أول وأهم خطوة لأنو عهالأساس رح نختار المستحضرات يلي بتناسبنا (جافة، دهنية، مختلطة، حساسة، عادية)
2️⃣ غسل الوجه Stay clean :
غسل وجهك يا قمر مرتين باليوم الصبح والمسا ( بس مش بالصابونة وبالحجر 🙃)
وإنما بالغسولات المناسبة لكل نوع بشرة (يعني ممنوع تناموا بالميك أب أبداً مهما كانت الظروف)
3️⃣ الترطيب Moisturize :
كل أنواع البشرات بتحتاج للترطيب حتى الدهنية منها لنحافظ على ليونة الجلد وصحته ونأخّر علامات التقدم بالسن
وضروري نهتم بالمنطقة حول العين كمان ونرطبها بالمستحضرات الخاصة فيها .
4️⃣ تطبيق الواقي الشمسي Block the sun :
التعرض للأشعة فوق البنفسجية UV بيسبب ظهور مشاكل بالبشرة عديدة ومن أهمها:
الكلف، النمش، سوء حالة حب الشباب، التجاعيد وعلامات التقدم بالسن، سرطان الجلد .
☀️ لهالسبب من الضروري كتير نتجنب التعرض للشمس بساعات الذروة (10 صباحا🕙 – 2الضهر🕑 )
☀️ تطبيق الواقيات الشمسية ويُفضل واسعة الطيف وبعامل حماية SPF 30 أقل شي مع تجديدها كل ساعتين .
وحتى لو كان الغيم مغطى الشمس ما يغرّكن الجو وتفتكروا انو الاشعة ماعم توصل عالأرض !
☀️ ارتداء النظارات الشمسية لحماية المنطقة حول العين وطاقية واسعة الحواف لحماية الشعر وفروة الراس .
4️⃣ تناول الأطعمة الصحية Eating smart :
خلوها ببالكن صحن صحي = بشرة صحية !!
شرب كميات وافرة من المي يومياً ، ممارسة الرياضة واليوغا ، الابتعاد عن التدخين .
تجنب تناول كميات كبيرة من السكر
و النوم لمدة كافية وبالتوقيت الصحيح😴
5️⃣ بالأخير ما تنغرّوا بالصور وتكتئبوا انو بشرتكن فيها مشاكل ؛ بالنهاية كلنا معرّضين لظهور بعض المشاكل من وقت للتاني بس المهم عطول انكن تستشيروا الأشخاص الصح والمختصين وتخلّوا معنوياتكن عالية 💟
و خلّوا عينكن عالميددوز لتعرفوا كل المعلومات الجمالية والصحية
● إعداد الصيدلانية : جورجينا كاملة .
● المصدر : WebMD
🚩اعتِماد : ” المنصَّـة الدوائيَّـة السوريَّـة -MedDose RX ” المُختصّة بنشر علم الادويـة و الاعشـاب من “مـصادر مـوثوقـة” ومحاربة الخرافات الطبية .
