🚩 منحكي كتير، بس ليييش!!
بتاريخ مسلسلاتنا السورية في شخصيات لامعة
تميزت بالحكي الكتير و معرفتها بأخبار الحارة و الحكي عنا متل أم زكي من باب الحارة او رمزية من مسلسل كسر الخواطر 😂…
بصراحة أحيانا أطباء الأسنان بيحتاجوا يستعينوا بهالقدرات العجيبة ب اختلاق الأحاديث ويفعلوا خاصيّة أم زكي مع المريض أثناء المعالجة كرمال يتشتت ذهنو عن التفكير ب الوجع او ينتبه للطبيب شو عم يساوي داخل فمو😌 …
ف منلاقي طبيب الأسنان فجأة بلش يحكيلنا ع سبيل المثال لما كان بعمرنا شو كان يساوي و أي فريق كرة قدم هوي بشجع و يسأل اذا علامات المدرسة منيحة؟ ومين منحب البابا أو الماما !!!😂
تعالوا نحكي أكتر شو لسا عنا أساليب غير دوائية ممكن نحن من خلالها نلهي المريض او نخفف من توتره تجاه هالموعد الضروري عند دكتوره❗
🔶خلق حيز آمن خالي من منظر أدوات الاسنان اللي رح يستخدمها الطبيب ( آخر شي ممكن يتمناه المريض يكون عم يشوف مجموعة من الأدوات المرعبة أمامه)
🔶تشتيت انتباهه وتركيزه أو توجيهه للنافذة مثلاً او التلفزيون ووجود لوحات أو قصص مصورة ممكن يكون مفيد و ملفت للانتباه…
🔶تشغيل موسيقا هادئة بالسماعات للأطفال حتى يصير وقت يتغير سلوكهم و يبطلوا متعاونين بهاد الوقت ممكن نطفي هي الأشرطة الصوتية
و انتو خبرونا شو اخر خبرية حكالكن ياها طبيبكم الاسنان ⁉️
إعداد و تحرير : د. زهراء محمد النجار
المصدر العلمي : https://bit.ly/33ceh3S
Behavior Management in Dentistry for Children, Second Edition
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم