الرئيسية / تقني / هنبدأ نتعامل مع الـJavaScript ونطبع أوامر في الـConsole

هنبدأ نتعامل مع الـJavaScript ونطبع أوامر في الـConsole



وأخيرًا دلوقتي هنبدأ نتعامل مع الـJavaScript ونطبع أوامر في الـConsole زي ما اتعلمنا من البوست اللي فات، وخلينا الأول نعرف إيه هي الـData Types اللي بنتعامل معاها في الـJavaScript

مبدأيًا عندنا Operator جميل في الـJS وهو الـtype of، وده بتقدر من خلاله تعرف نوع الداتا اللي بتتعامل معاها دي إيه، هنستفيد منه بإذن الله النهاردة عشان نعرف مختلف أنواع الداتا في الـJS بإختصار

ببساطة الـJavaScript بتتعامل مع الأرقام كلها على أساس إنها Floating point numbers، وبيبقى الـType بتاع أي رقم في الـJavaScript هو number، ولما بتحب تقرأ Integer فـ ساعتها بتبدأ تستخدم Function من اللي هنتكلم عنها بعدين بإذن الله

الـString بقى بإختصار هو عبارة عن نص، كلام، وزي ما درسنا في العربي زمان، الكلام عبارة عن مجموعة من الحروف متجمعين مع بعض في مكان واحد، الـString بشكل عام بتقدر تضيفه ما بين Single Quotes أو Double Quotes، وفي كلتا الحالتين مفيش مشاكل وانت معرف String بشكل صحيح تمامًا (لما نيجي نتكلم عن الـECMAScript 6+ هنتعرف على طريقة تالتة 😄)

طيب هنا بنطرح سؤال مهم
لو كتبنا الكود ده، تفتكر ايه النتيجة اللي هتطبع؟
console.log(typeof “1”);
console.log(typeof 1);

خلينا نفكر فيها بشكل منطقي، مش 1 هي هي الـ1؟ يبقى المفروض النتيجة اللي تطلع في كلتا الحالتين هي Number، ولكن الحقيقة ده مش هيحصل، ليه؟ لأن الـQuotes سواء Single أو Double بتتعامل كـString، (معلومة Advanced: الـJavaScript بتتعامل مع القيم المطلقة زي الـ1 والـ”1″ كـObject، الـObject ده تقدر تستخدم عليه الـMethods في الـPrototype بشكل طبيعي جدًا)

فكرنا بشكل منطقي خلاص؟ نتيجة تفكيرنا دي كانت “خطأ”، الـ1 مش بتساوي الـ”1″، وده بالظبط النوع التالت من الـDataTypes اللي هنتكلم عنها النهاردة والنوع الأخير وهو القيم المنطقية، True وFalse

القيم المنطقية أو الـBooleans هي إجابة لسؤال بـYes أو No، ولكن بطريقة يفهمها الكمبيوتر، يعني مثلًا لو ضغطت F12 دلوقتي وفتحت الـConsole، اكتب فيه الكود ده
console.log(typeof 1==2)

النتيجة اللي هتطلع في النهاية Boolean، قيمة منطقية بـFalse، هنا انت بتسأله هل الـ1 بيساوي الـ2؟ والإجابة هتبقى بـYes أو No، اللي بتتكتب في الـJavaScript بـTrue أو False!

الـData Types ما خلصتش هنا، وحتى اللي اتكلمنا عنهم النهاردة احنا يدوبك اتكلمنا عن Overview سريعة عليهم، بإذن الله لما نخش شوية Deeper هنمسك كل واحد فيهم ونفصصه بإذن الله، بس لحد هنا خلينا ماشين دلوقتي زي ما احنا كدة “:

————————————————————–

عروض البلاك فرايداي بدأت خلاص على Jumia وNoon، ويوم 11 اللي جاي بإذن الله هينضملهم أمازون، منتظرين عروض قوية بإذن الله على أغلب المنتجات، لو مش عاوز يفوتك أي عرض هتلاقي لينك في أول كومنت لقناة التليجرام الخاصة بالعروض عشان مايفوتكش أي عرض أول ما ينزل 😊

وبس كدة، ده الموضوع ببساطة.
الجينيص


الجينيص