عندي انفيرتر عادي غير شمسي استطاعتو ٢٠٠٠ واط نظام ٢٤ فولط مع بطاريتين أنبوبيات كل وحدة ٢٠٠ أمبير نوع جبستون مشغل عليهم عيادة أسنان وفق الأحمال التالية
ضاغط هواء ٥٥٠ واط ( طبعا بيعبي و بيوقف حسب الاستهلاك )
إنارة نيونات ليد عدد ٤ × ٣٢واط
شاحن لابتوب
إنارة الكرسي و هي مصباح led
بسبب التقنين الطويل البطاريات ما عم تشغل ضاغط الهوا إلا لفترة قصيرة و البطاريات تقريبا نص عمرهم صار
حاليا مافي قدرة ركب منظومة شمسية متكاملة
أحدهم نصحني بالتالي:
لوحين طاقة ٥٤٥ مع منظم شحن pwm لتكون أموري بالسليم خلال فترة سطوع الشمس كاستهلاك و شحن بطاريات
سؤالي هالشي مجدي ولا غير مجدي ؟
و النصيحة التانية هية انو خلي الانفيرتر الموجود حاليا لباقي الأحمال بس شيل ضاغط الهوا من عليه و جيب انفيرتر رينوفو ١٥٠٠ واط مع بطارية ليثيوم ١٢ فولط ٢٠٠ أمبير بس لتشغيل ضاغط الهوا لحالو و بهالحالة ما في ألواح ..المشكلة الأكبر قطع الكهربا ٥ ب ١ و أحيانا حتى الساعة ما بتكمل
شو الخيار الأفضل بيو هالخيارين ( طبعا القدرة المالية الحالية ما بتسمح بأكتر )