يـلّا عـالسريـري …
يـلّا عـالأطفال …
[ #طـب_أسنان_الأطفال، المـقال الرَّابـع ]⛔ تالت عمل بمادة الأطفال مطلوب منكم هو معالجة لبية لرحى مؤقتة ….
●»» جاهزين 😎 …… يلا نبدا ….. بدايةً التشخيص ✌ ..
⛔ لما نقول معالجة لبية يعني ⬅️استئصال لب⬅️ يعني ألم ليلي ⬅️ شعاعياً يعني النخر واصل للب أو قريب جداً منو ..
● مهـم جدا تنتبهوا لعمر الطفل وهل الجذور ممتصة أو لا !!!
● لأنه عندما يتجاوز الامتصاص ثلث الجذر بهيك حالة تعتبر المعالجة اللبية مضاد استطباب ..
● ومن مضادات الاستطباب التانية، أنو يكون في ٱفات بين جذرية أو أكياس أو ٱفة بتشمل برعم السن الدائم الخلف .
⛔ بعد ما أخذنا صورة شعاعية وشخصنا الحالة منبدأ كالعادة👇…
● تخدير ⬅️حاجز مطاطي ⬅️فتح السن مثل بتر اللب ولكن في حال المعالجة اللبية نجعل الجدران أكثر انفتاحاً نحو الخارج
● نزيل بقايا الحجرة اللبية ⬅️منغسل ومنجفف لتكون الرؤية تمام ونقدر نحدد مداخل الأقنية
● بعد ما نحدد مداخل الأقنية منحط مبرد بكل قناة ومنصور صورة لتحديد طول الأقنية
● بعد ما حددنا الطول، منستأصل اللب بالإبر الشائكة ..
⛔ الخطوة التالية هي البرد والتوسيع منستخدم المبارد ومنحضر لقياس( 25 فقط )بالأرحاء يعني اللون الأحمر ❤️
● مع الابتعاد حوالي 2 ملم عن الذروة الشعاعية✔️
● أثناء تحضير الأقنية ما مننسى نغسل بهيبوكلوريت الصوديوم
● بعد ما خلصنا غسل وتحضير منجفف الأقنية باستخدام الأقماع الورقية
● خلصت وكل شي تمام، هلا صار دور حشي الأقنية .. طبعاً بالأسنان المؤقتة في اختلاف بمادة الحشي عن الأسنان الدائمة لأنه بالدائمة متعودين نحشي بكوتابيركا، بينما بالمؤقتة منستخدم أوكسيد الزنك والأوجينول ..
⛔ كيف يعني 🤔 ؟؟
● منستخدم البوربات منحمل معجون أكسيد الزنك والأوجينول عالبوربات ومندخل البوربات لداخل الأقنية
● بس تخلص حشي أقنية بتعمل صورة شعاعية لتتأكد أنه شغلك صح .
● بعدها منرمم ترميم نهائي (شرحنا الترميم ببوستات سابقة راجعوهن)
● بتفحص الإطباق وبتاخد علامتك 😌 …
●»» وهيك بتكون أنجزت العمل المطلوب وخففت ٱلام طفل🥰 ونسيت كل تعب الكلية ❤️ …
●»» انتظرونا بالبوستات القادمة لنحكي عن باقي أعمال مادة الأطفال
تبقـوا بألف خيـر ..💛..
● إعداد : د. رشـا عـلاء هـلال .
مــــيددوز ~ مـــــصدرك للـــــمعلومات الـــــطبية الــــــموثوقة 🛡 .
مواضيع صحة الاسنان والفم