يـلّا عـالسريـري …
يـلّا عـاللبيّـة …
[ ملكـة المــواد #والأشعة، المقـال الثّـاني ]⛔ بشغلك باللبية عندك الأشعة عامل مساعد أساسي، بس غير كافي ( يعني شرط لازم وغير كافي 😲)، وهلأ حنعرف ليش !
🔵 بدايـةً التصوير 😎 :
● عنا تقنيتين بفيدونا بالتصوير باللبيّـة هنن :
١- التوازي .
٢- منصف الزاوية .
● التـوازي :
تعتبر الأدق، وهي مفيدة جداً وخاصةً بحالات المتابعة ( حتى ناخد الصورة كل مرة من نفس الزاوية ) وتستعمل مع قمع طويل والها حوامل خاصة .
● منصف الزاوية :
تستعمل مع قمع قصير ولا تحتاج حامل
🔰 بالنسبة للأسنان متعددة الجذور أو عند الشك بوجود أكثر من قناة، وخاصةً بالضواحك السفلية، لازم نستعمل التزوي ( هاد غير التوازي ترا 😆؛ وهو عبارة عن إزاحة القمع عالوحشي او الأنسي لحتى نحصل على تفاصيل معينة )، لنفصّـل أكتــر :
● بالعـلوي [ من الضاحك الأول للرحى الثالثة ]، منزوي عالأنسي لأن عالوحشي بصير تراكب مع العظم الوجني خصيصاً بمنطقة الأرحاء .
● بالسـفلي في عنا قاعدتين :
– الأرحاء منزويها عالوحشي .
– والضواحك والثنايا منزويها أنسي .
🔰 هلأ آخر شي رح نحكي عليه هو قاعدة SLOB
( Same Lingual Opposite Buccal ) :
●»» ركزوا معي شوي👌، لما عندي جسمين عم صورهم وبدي اعرف مين فيهم أمام الثاني ( يعني دهليزي بالنسبة للثاني )، بصور أول صورة بشكل عادي، الصورة الثانية لنفترض عملت 👇 …
● تزوي عالوحشي، فالخيال اللي بيتحرك معي عالوحشي ( عـَ نفس جهة التزوي Same )، بكون Lingual يعني من الخلف يعني لساني 😎 .
● أما اللي بيتحرك عالأنسي ( عكس جهة التزوي opposite )، بكون Buccal يعني من الأمام يعني دهليزي، هي بتفيدنا بمعرفة تشريح القنوات وجهة الانحناءات والأدوات المكسورة .
يــلّا جهـزولنـا حالكـم عــَ الشغل بالبوستاات القــادمـة 😉💪 .
تبقـوا بألف خيـر ..💜..
● إعـداد : د. مصطـفى عـبـدالـقادر سـرور .
مـيددوز ~ مصــدرك للمعلومــــات الطبيــــــة الموثوقـــــة 🛡 .
مواضيع صحة الاسنان والفم