يـلّا عـالسريـري …
يـلّا عـاللبيّـة …
[ ملكـة المــواد، بالمقـال الأوّل ]⛔ بعد غياب طويل رجعنالكم بسلسلتنا العمليــة ….
المداواة اللبية، هيي المادة الأساسية بحياتنا العملية والسريرية وبالكلية لهيك خلونـا نبدأ فيها سوا خطوة بخطوة ..
🔵 الأدوات :
🔰 رح نقسم الأدوات تبعاً لمراحل الشغل حتى ما ننسى شي وبنفس الوقت بدل ما كل مرّة ناخد ونجيب كل الأدوات بصير ناخد أدوات المرحلة اللي عم نشتغل فيها حتى تكون صينيتنا نظيفة ومرتبة وأنيقة .
🔰 بداية التقسيم رح يكون كالتـالي :
– التخدير .
– تجريف النخر وفتح الحجرة اللبية .
– سبر الأقنية والبرد والتوسيع .
– الإرواء .
– حشي الأقنية .
● رح نبدأ بالتخدير كونو غراضو عندنا [ المحقنة والأمبولة ورأس الإبرة ]، وعفكرة أفضل أنواع التخدير باللبية هو التخدير بالعظم بس نظراً لكون طريقتو شوي صعبة فـ منمشي على ترتيب التخدير التالي :
– إحصار عصب سنخي (سفلي او علوي) .
– بالرباط .
– بالعظم .
● تجريف النخر، وفتح الحجرة بدو سنابل وتوربين، ورح يلزمنا سنابل شاقة [ يفضل قياسين ناعمة وخشنة ]، وكروية وسنبلة مخروطية برأس غير عامل ( Endo Z ) .
● سبر الأقنية و البرد والتوسيع، المقصود بسبر الأقنية إيجاد مداخل الأقنية وتأكيد عددها مبدئياً ولهالغرض منستعمل مسبر لبي Dj16 او مسبر عادي ( منمشيلكم ياها 😎) .
أمّا البرد والتوسيع رح نستعمل فايلات وهون في الها كذا نوع
– مبرد .
– موسعة .
– مبرد وموسعة سوا وهاد ال k-file .
– والـ C-file لما بكون في أقنية ضيقة او منحنية وهو القياس ٦ [ بس سعرو غالي شوي 🤑 ] .
● وهـلّا الخطـوة الأهم الإرواء، ولنحقق أفضل إرواء لازم المحلول يوصل لكامل القناة لهيك بدنا رؤوس ذات فتحة جانبية أو رؤوس أنسولين، إضافةً لمحاليل الإرواء [ هيبوكلوريد الصوديوم، السيروم الملحي، الايديتا ١٧٪ ] .
● آخـر مرحلة هي حشي الأقنية، وهون بدنا عدّة منيح 🙂😎 .. [ أقماع ورقية / أقماع كوتا، أحمر بالدرجة الأولى وأصفر بالدرجة الثانية الباقي ما تكترو / أوكسيد زنك واوجينول /سبريدرات / قنديل / أداة قطع الأقماع / مدك أملغم قياس صغير،حتى نضغط الأقماع ونكثف التلت التاجي مزبوط / كومبوزيت سيال أو غلاس ضوئي أو كيميائي حتى نختم فيه مداخل الأقنية بعد الحشي / وطبعاً ما مننسى أفلام الأشعة وسوائل التحميض ] .
المـدخل للشغـل العملـي خلص، كل التفاصيل التانيـة رح نخبركـم عنهـا بالمقـالات الجـاية … تابعـونا لتستفـادوا ✌😉 .
وتبقـوا بألف خيـر ..💜..
● إعـداد : د. مصطـفى عـبـدالـقـادر سـرور .
مـيددوز ~ مصــدرك للمعلومــــات الطبيــــــة الموثوقـــــة 🛡 .
مواضيع صحة الاسنان والفم