يلا عالسريري …
يلا عالأطفال …
[ #طـب_أسنان_الأطفال، المـقال الخامـس ]●»» أبسط وأسهل عمل بمادة الأطفال، اليوم رح نحكي عن تطبيق السادات والفلور … يلّا سـوا ..
⛔ بدايةً أيمتى بعرف أنو هالسن بقدر طبق عليه سادات ؟!؟
● عدم وجود مظاهر سريرية أو شعاعية لنخور ملاصقة
● لما يكون عنا إصابات نخرية أو ترميمات في وهاد وميازيب الأسنان المجاورة المؤقتة أو الدائمة
● وطبعا السن اللي بقدر أمن عزل تام فيه
● كالعادة بالأطفال منبدا بالتخدير وحاجز مطاطي، بعدها نطبق المخرش على ميازيب السن، تقريباً لمدة 20 ثانية على الأسنان الدائمة، و 30 ثانية على الأسنان المؤقتة .
● الخطوة التالية هي الغسل والتجفيف مدة الغسل تعادل تقريباً مدة التخريش، بهي المرحلة إذا حدث تلوث لعابي لأي سبب كان يجب إعادة العزل والتجفيف ثم التخريش
⛔ كيف بتأكد أنو التخريش تمام ؟!؟
● لازم بعد التجفيف تلاحظ عندك المظهر الطبشوري .
● بعدها منطبق المادة السادة حيث تطبق بالفك السفلي على الناحية الوحشية ليسمح لها بالانسياب بالاتجاه الأنسي
أما بالفك العلوي بالعكس حيث تطبق في القسم الأنسي ويسمح لها بالانسياب إلى الناحية الوحشية .
⛔ برأيكم شو السبب ؟!؟
خبرونا بالتعلقيات كالعادة ..😌..
● الخطوة الأخيرة هي التصليب، وبعد ما صلبنا منفحص الختم بواسطة المسبر لنشوف إذا في نقص بالمادة السادة
● ومنفحص الإطباق طبعاً بورق العض .
● أما السطوح الملاصقة ف تفحص باستخدام المسبر أو الخيوط السنية وذلك لتجنب وجود المادة السادة فيها
⛔ فحصت وكل شي تمام وأمورك عـال العـال …
● بتشيل الحاجز المطاطي
● وبتنادي الدكتور… وان شاء الله بأعلى العلامات …
كلشـي حكيناه عن المادة السادة يندرج تحت طب الأطفال الوقائي، لهيك حديثنا ما خلص لازم نخبركم عن الفلور يلي هو أيضا مادة وقائية، و أحد الأعمال المطلوبة منكم .. ولنحـكي أكتر … تابعوا معنا👇
⛔ كيف منطبق الفلور بالعيادة ؟!؟
● بدايةً العزل بس هالمرة بدون حاجز مطاطي وإنما باللفافات القطنية وطبعاً ماصة اللعاب، ومافي داعي للتخدير، وضعية الطفل لازم تكون عمودية مشان ما يبلع شي من الفلور …
● منجيب طوابع أطفال مخصصة للاستمعال مرة وحدة ..
● يتم وضع الفلور الهلامي داخل الطوابع حوالي ثلث الطابع يكون هلام، ومن ثمَّ توضع الطوابع داخل الفم..مع الحذر الشديد والانتباه أن تكون وضعية الطفل عمودية لتجنب بلع الفلور
⛔ قدي زمن تطبيق الفلور ؟!؟
● حسب الشركة المصنعة يعني بدك تقرأ عالعلبة وتنتبه لزمن التطبيق .
● بعد ما خلصنا تطبيق، ممنوع منعاً باتاً المضمضة لتجنب البلع،
وإنما نسمح للطفل بالبصق فقط .
وهلّا صار فينا نقلكم خلصنا معلوماتنا لليوم …
تابعوا مقالاتنا لنحكيلكم بكرا عن آخر عمل بمادة الأطفال ..
تبقـوا بألف خيـر ..💛..
● إعداد : د. رشـا عـلاء هـلال .
مــــيددوز ~ مـــــصدرك للـــــمعلومات الـــــطبية الــــــموثوقة 🛡 .
مواضيع صحة الاسنان والفم