مصدومة بجد ومش بنطق ولا عايزة اقول….
⛔ قاعدة بالعيادة الصبح وعم اسمع فيروز واشرب فنجان القهوة وناطرة المريضة يلي دقتلي لانو عم تعاني من حساسية بكل اسنانها…
⛔ وبس اجت وبلشت افحصها بتفاجأ انو المريضة
بتعاني من انحسار معمم باللثة وبدرجة تانية ..
⛔ سألت المريضة راجعتي طبيب أسنان قبل هالمرة ؟؟!
لأن حضرتك بتعاني من انكشاف جذر الأسنان واللثة متراجعة كتير وتقريبا لكل الاسنان…
و هون كانت الصدمه
لما قالتلي : اي بعرف وعم عالجها، عم ادهنها بزيت زيتون وفرشيها بالزيت ٣ مرات باليوم. 😲
وتابعت الإجابة بأنو هي حصلت على هي المعلومة من جارتها وهنن عاملين صبحية 🙂
🛑 هون من الصدمة انا ماعد عرفت احكي قالتلي ليه مو صح
⛔ شرحتلا شو حالتها بالضبط وانوانحسار اللثة: هو تراجع باللثة من باتجاه ذروة السن يعني بيبلش جذر السن يبان ومابيتعالج بهي الطريقة واله درجات .
🔰 العلاج حسب الشدة والدرجة واذا كان على كل الأسنان أو سن , سنين
🛑 خلو ببالكن
فنجان القهوة مع الجارة والأحاديث الصبحية وسيلة للتسلية والتواصل مو للعلاجات الطبية ..
إعداد وتحرير: د.نيفين طرابزونلي
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم