Realme 8 Pro هو الأسوء في فئته؟

ليه Realme 8 Pro هو الأسوء في فئته؟ خليني أشرحلك
ببساطة دلوقتي في 4 شركات قدموا موبايلات لحد دلوقتي في الفئة السعرية من 5000-6000 جنيه، وهم كالأتي

– سامسونج بالـA52
– اوبو بالـReno 5
– شاومي بالـMi 11 Lite
– وأخيرًا ريلمي بالـRealme 8 Pro

كل موبايل منهم متميز بحاجة فريدة، ما عدا الـRealme 8 Pro! يعني مثلًا سامسونج عندها تثبيت بصري ومعالجة متميزة للصور، اوبو عندها 90Hz وتصميم مميز واسم اوبو المُحبب للجماهير، بالإضافة للكاميرا السيلفي، شاومي اللي بتقدم أعلى معالج يعتبر Snapdragon 732G مع تصميم هو الأحلى والأنحف، كلهم شاشات أموليد، كلهم معدل تحديث عالي، كلهم مميزين ومفيش موبايل منهم تجربته كانت سيئة

انما الـRealme 8 Pro بيقدم ايه مختلف؟ الـ108MP؟ حقيقي مالهاش لازمة، ده غير انها موجودة برضه في فئات سعرية أقل، بيقدم إيه زيادة على أي موبايل في الفئة؟ مفيش

ده حتى يا راجل يا طيب، الموبايل فشل إنه يبقى زي أي موبايل تاني، أقل في تردد الشاشة، أقل في التصميم، أقل في الخامات، أقل في كل حاجة تقريبًا! وبسعر أعلى من المنافسين كلهم 😄

فـ ببساطة انا مقدرش أعتبر انه موبايل مميز في حاجة، لأنه موبايل فاشل بكل المقاييس، فشل حتى إنه يبقى تطوير عن الجيل اللي فات “: شوية وهينافس جمال عبدالناصر في الفشل.

حبة ملاحظات بس
انا مقارنتوش بالـPOCO X3 Pro ولا الـRedmi Note 10 Pro، ولا حتى قارنته بالـVivo V21 اللي هينزل قريب بمعالج ممتاز وتسعير كويس، فـ الموبايل من رأيي لا يستحق الإقتناء اطلاقًا

قولي رأيك في الكومنتات عن الـRealme 8 Pro، وكان المفروض ينزل بكام عشان يقدر ينافس؟ خلينا نتخيل في الكومنتات تحت.

ريلمي ريلمي 8 برو

الجينيص