👶🏻 حابب خبرك كيف رح تشوفيني باليوم الأول منشان ما تنصدمي يعني لأنو تخيلاتك الوردية بأني رح أجي كتكوت نضيف مهفهف وناطر بس البوسات والحضونات غير واقعية بتاتاً 🌝
حطي ببالك رح يجيكي كائن صغير كتير قد كيلو فستق 😂 لهيك رح يطلع فيي بابا الديناصور ويتوتر بس تقليلو احملو لأنو والله ومعو الحق ما رح يعرف من وين يمسكني 🤭 هاد غير أني كتير ممكن اجي عم اعمل بيبي عهالحياة بمن فيها واحبكها كل ما حدا غيرلي بلش رش 😂🤦🏻♀️
راسي حيكون مدبب من كتر مو مارر بطرقات مطعوج 🤸 وحيكون الأكبر نسبةً لجسمي هاد عكتر أفكار التخريب يلي عم خزنها براسي لأنكشلك البيت وكرهك حياتك بس أكبر 🧘🏻♀️
رح تشوفيني دوماً مشدود لفوق وكل مفاصلي مطوية لأني لسا متعود عتربيعة الرحم الضيق الله يذكرو ويعيدو 😂
بشرتي حمرا أو زهرية أضافري رقيقة وطويلة ومعبى شعر صغير وناعم اسمو الزغب بروح بروح يا ماما متل ما بروح هالدهان الأبيض يلي داهننا فيه الله ليحمينا من السائل الأمنيوسي بالرحم بس الزغب بروح لحالو والتاني بروح بحمام دافي 😋
👶🏻 ممكن مو أكيد تشوفي بقع صغيرة بيضا أو حمرا عجلدي هي طبيعية بس معلش بيعطي رأيو الدكتور فيها لنضمن الصحة والعافية وعهالسيرة اتذكري بأول يوم توصي بابا يوصي الممرضة أول ما أطلع تنشفني منيح وتلفني ببطانية لأني حساس ببرد بسرعة ها وكمان لا تنسوا تعطوني إبرة فيتامين ك وتفحصوني كرمال كل الأمراض يلي بتنكشف بكير قولي هالقصص شغل المشفى بس لا مانع يكون بابا فهمان ويذكرهن بهالأشيا 🤗
👶🏻 مهم جداً تعرفي أنو أنتِ يا ماما اجاكي بيبي جديد مو لعبة جديدة 🙂 فكتير مهم مو كل شوي تحاولوا تفيقوني حتى تشوفوا عيوني أو تحاكوني وتلعبوني .. أنا أساساً باليوم الأول عيوني بتكون نص مفتحة وقت فيق هي إذا فقت 😂
مسمحلك وحدك تفيقيني تطعميني وبس كل ساعتين او 3 ساعات .. أكل ونوم وبس ❤️
لأنو يا ماما أنا هلق إذا فقت كلشي بعرف بعملو أني ادرس وحلل بدون الوصول لنتيجة مفيدة 😂 رؤيتي مغبشة بهالعمر فكلكن عندي غيوم بس أنتِ أي بقدر شوف وجهك الحلو لأنو بكون قريب عليي كتير دخيل هالوجه اي ❤️ وبقدر شم والمس وحاول مجرد محاولات فاشلة أني استجيب للصوت وأتعرف عالدني حواليي بس معلش ارجع قلك الدنيا أكل ونوم يا ماما أكل ونوم ❤️
👶🏻 هي المايعة يلي بتضل تحط اصبعها الضخم بايدي وتصرخ يا عمري قليلا تسكت مليت منها ومن صراخها بدي نام لا حدا يزعجني 😈
آخر شي رح قلك ياه انسي شي اسمو نوم طالما عندك شي اسمو بيبي 🥲 أنا آسف وكمان لا تراهني عملامحي ولون بشرتي من أول يوم فالأشقر يقلب أسوداً والعكس صحيح يا قلبي 🌝 وابقي يا ماما خففيلنا زيارات الأحبة أنا كائن بحب الهدوء والأكل وشو ؟ والنوم برافو 😂❤️ وبحبك والله بحبك ❤️
كنت معكم سَماح صالح محمد ❤️
(سماعة حكيم)
المصدر :
https://kidshealth.org/en/parents/first-day.html
Samah Saleh Mohammad
لا تنسوا تحملوا #تطبيق سماعة حكيم
قناتنا على اليوتيوب.
https://youtube.com/channel/UCoHj1COSXjczUOdjxJEG01w
قناة سماعة حكيم على التيلغرام
لكل ما يهم الأطباء والصيادلة (فرص عمل و أخبار…)
https://t.me/samma3a ،
” #تطبيق سماعة حكيم” أصبح متوافراً على متجر غوغل بلاي Google Play
https://play.google.com/store/apps/details?id=itland.doctor
حمّله الآن
غروب صحتك نعمة للاستشارات الطبية عبر الفيس بوك
https://www.facebook.com/groups/2559079277529316/?ref=share
قناتنا على التيلغرام للمعلومات الطبية
سماعة حكيم
طريقك إلى المعلومة الطبية الصحيحة
https://t.me/sammahhakim
الرابط المباشر لتحميل #تطبيق_سماعة_حكيم
http://samma3thakeem.com/app
https://t.me/MedAware
❤❤❤
❤❤❤
حبييت الكلام
♥️
❤