أكثر نصيحة أنصح فيها الأهل في الاستشارات النفسية
أكثروا مع أولادكم من كلمة ” ما بعرف” و انتو عم تضحكو طبعا ( “ما بعرف ” ما عصبية .. ما بتطلع حلوة ) و إذا سألك ابنك ( بنتك ) سؤال خلي اول جواب ع لسانك ” أنتَ شو رأيك …؟” رح تكتشفوا غالباً إنو الولد ما فكر بالقصة أبداً و متعود ع أجوبة جاهزة منكم .. و غالباً و بمجرد ما يفكر شوي رح يبلش يلاقي حل…
مش كل الولاد بتفكر بطريقة مباشرة و طبيعية
في أولاد بدهن تحريض ع التفكير يعني لا تعطوهم أجوبة إلا ب ” طلوع الروح” بيجوز يكون حلو و لذيذ إنو نجاوب أولادنا و نفرجيهم إنو بنعرف و نحنا ” سوبر مان و سوبر ومان ” .. أكيد فيها شي لذيذ
بس أنا بشوف إنو هروبنا من البطولة ب عيون ولادنا .. بيساعدنا كتير .. و بيساعدهم أكتر د. رفيف المهنا
( البوست بيمشي كمان مع الكبار ) صباحكم حب ورواق❤️
كيف بتتناقشوا مع ولادكم وبتوصلوا للحلول⁉️
(سماعة حكيم)