مشفى الباسل مشروع دمر
بريد الصفحة
دخل عالاسعاف مريضة ومعها مرافق وكان يصيح بكل صوتو المريضة عم تموت وين الاطباء
المريضة كانت واعية حيوياًو مستقرة استلمها ممرضين اول واحد بلش ياخذ الضغط والنبض والثاني طلب من المرافق الهوية ليسجل المعلومات الشخصية عالدفتر بناء لقانون المشفى (( طبعا المريضة قعدناها عالكرسي لبين مايفضى محل كونو الاسعاف معبى ومعجوق ماكان يهدى كان في سرير واحد مافي عندو مونيتور فما نترك المرضى عليه ))
هون رفض يعطيه الهوية وبلش يعيط.
كان طبيب المشرف بالاسعاف د.حيدر بالاسعاف بوقتها اجا قلو اهدي في مرضى احتشاءات بالاسعاف مايسوى تعلي صوتك انت مانك بخان ولا بسوق خضرة رد عالدكتور حيدر قلو انا بسوق خضرة شايف ماني شايف اطباء هون طبعا بلش سبسبة وكلام طالع نازل قلو د.حيدر لوسمحت تطلع لبرا لنعرف نشتغل ونشوف المريضة بلش يتهجم عالدكتور حيدر ويسب فيه قلو د.حيدر اطلع لبرا لحتى نشتغل عنا احتشاءات قلبية بالاسعاف بلحظتا كان في مريضة احتشاء عضلة قلبية امامي وعم تولول من الوجع وكنا عم نطبقلا ستربتوكيناز هو ماكان يهدا تهجم كذا مرة عالدكتور حيدر مارد عليه د.حيدر لاجو جماعة الباب طلعوه ففحصنا المريضة ماكان فيها اي شي فقط توتر نفسي .
بغض النظر عن حالة المريضة اي مريض حقو ينفحص لكن هي مو اول مرة يتبهدل فيها الاطباء والممرضين بالاسعاف وفي منون انضربوا وضاع حقون واعتذروا من لي ضربون من تم ساكت.
ومرة ممرض حاول احد المرافقين خنقه.
يمكن لأن موقع المشفى بمكان يسكنه أصحاب نفوذ بيعتقدوا انهم فوق القانون عم تتكرر هل اعتداءات.
الصراحة الطبيب كرامته بالارض
وان شاء الله تلاقي صداها هالشكوى
ويتم فرز نقطة للشرطة لحماية المشفى
والفيديو المرفق بوضح صورة المعتدي واساءته للكادر.
♦️نتمنى الا يتم الضغط على الدكتور حيدر كما وصلنا لتقديم الاعتذار من المسيء وفي حال حصل ذلك سننشر عن الجهات التي ضغطت عليه ونُعلم وزارة الصحة بذلك.
♦️نتحفظ عن نشر الفيديو لانه يوضح وجه المريضة لأسباب أخلاقية وقانونية.
سيتم إجراء مونتاج لاخفاء وجهها ونشره لاحقا.
♦️نتمنى من وزارة الصحة ان تتعامل مع هذا الاعتداء كما تعاملت مع الاعتداء الاخير في مشفى المجتهد والذي تم فيه القاء القبض على المعتدين بمتابعة من د.حسن غباش شخصياً.
♦️سنرسل الفيديو الى وزارة الصحة وكلنا ثقة بموقفها الداعم للأطباء
♦️نتمنى الا يتم ملاحقتنا قضائياً كما حصل سابقا حين نشرنا عن حالة تسريب أسئلة الامتحان الوطني .
سماعة حكيم معكم
(سماعة حكيم)
لاحول ولاقوه الا بالله احسن شي
معو حق مشفى الباسل كادرها مهمل جدا
الله حيو
اجلدو
الله يكون معنا في قصص كتير عم تصير
….
جاوبونا عهاد بطريقكون لو سمحتو سماعة حكيم
يعني شو هالأسلوب كلنا مرينا بموقف حدا عم ينازع عن جد وماصرخنا هيك ليسعفوه بالعكس هيك الدكتور بيكره المريض ومابيتتبه منيح وبعدين لتخلص الخناقة بكون المريض انجلط او سلم الصحف لباريها
مأحلاكن ❤️❤️❤️
خير انشالله
الفوضى للاسف في كل شيء مشافي مدارس مخابز مالية بلديه ووووو ايد مين فوق محد عارف مع مين الحق وعلى مين محد عارف
لاحول ولاقوه الا بالله
..
لو غير مشفى الباسل كنت صدقت بس جماعة مشفى الباسل بيستاهلو لانو مفكرين حالهن هنن فوء والناس تحت
للأسف تدهورت الاخلاق ..ومو بس بالمشافي هالظاهرة ..كمان بالمدارس ..بنشوف بعض اولياء الامور بيتعاملو بهالشكل مع المدرسين ..الله يفرجها
…
والله كلشي مالو ضهر بهي البلد حقو رايح ع ارض اطباء ولا غير اطباء بس اصحاب نفوز لقلون كلمة واحترام بس وقت جد هني بيهروبو برات البلد ما بيبقا غير اطباء ووالممرضين والمسعفين
..
في كتير من هالشكيلات