الأطفال وابتسامتهم👶…
كتير مشهد صعب نشوف طفل بعمر ال3 سنين و عم يتوجع من ألم أسنانو المنخورين💔…
خلونا نحكي شوي عن الأسنان المؤقتة(اللبنية)
⛔ الأسنان اللبنية:
عددها 20 سن بتبزع بفم الطفل…
وواجب علينا نهتم فيها وبنظافتها لأنو صحتها من صحة نمو الطفل…
لهيك الميددوز رح يحكيلكم كيف بتهتموا بأسنان أطفالكم وتحموهم لتحافظوا على المضغ وعلى النطق بشكل صحيح والمظهر الجمالي لوجه طفلكم…
⛔من أشيع الحالات اللي بنشوفها عند الأطفال هي التسوس
طيب شو أسباب التسوس بعمر صغير !؟
إهمال النظافة الفموية و التشارك بالأدوات (الأهل بياكلوا بملعقة الطفل وهاد أكبر غلط لأن بينقل البيكتيريا للطفل)
استخدام اللهاية أو الرضّاعة بشكل متكرر وبدون تعقيم…
⛔وكيف بدنا نحميهم من التسوس ؟
الموضوع كتير بسيط وفينا نطبّق بعض النصائح:
⚠️ تعقيم أدوات الطفل سواء لهاية أو رضاعة بعد استعمالها فوراً…
⚠️ تدليك لثة الطفل بقطعة شاش مبللة قبل بزوغ الاسنان و استكمال العملية بعد بزوغها…
⚠️و عند نضج الطفل يتم مساعدته بتفريش اسنانه تحت اشراف الوالدين حتى يصبح قادر على اداء المهمة بنفسه…
⚠️بحيث تكون كمية معجون الاسنان بحجم حبة الرز…
⚠️تنظيم وجبات الطفل والتقليل من كمية السكر…
⚠️تشجيع الطفل على استخدام الكأس لشرب الحليب بعد عمر السنة…
وهيك بنحافظ على ضحكة أطفالنا بدون أي مشاكل
دمتم أنتم واطفالكم بخير… ♥️
● إعداد وتحرير : د. شروق عمار ديب
● المصدر العلمي :https://bit.ly/31DqLAH
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم