الأم قدّيـــسة من لحظات وصلت عالمشفى أم هي الأم واضــ

الأم قدّيـــسة

من لحظات وصلت عالمشفى أم

✔» هي الأم واضــح عليها التعب؛ حــاملة طــفلين صــغار بحضنها و عضهرها .. مع طفل تالت عم تمشيه بإيدها … بــسبب ابن رابع عـامل حـادث و مـكسورة رجـلو.

✔» الأم جاية و معها ولادها الاربعة ! و بنص هالشوب و التعب …
كان التعب واضح علبها … بيكفي انها حاملة حالها و عم تسحب معها اربع اطفال

✔» سألتها خالة ما معك حدا يجي يساعد متل زوج أو اخ ؟!

✔» قالتالي أنو أبوهن للأولاد بالشغل ، و بس يخلس بيطلع عالشغل التاني الله يحمل معه مو ناقصه وجع راس الله يعينه .

✔» يا خالتو كان وضعنا منيح .. بس الحياة صارت قاسية و ما عاد عنا شي غير نعمة هالاطفال.

✔» الحمدلله الأطباء ساعدوا الولد المكسور و هنن لي عملولو كل الاجراءات بما فيها إحضار أدوية من برا المشفى للولد بعد ما شافوا حالة العيلة الصعبة و تكلف فيهن من حسابو.

✔»بهي اللحظة كان لا بد نحكي عن الأم القديسة
الام لي بتحمل 9 شهور تعب بتعب بتعب
و بتجيب الطفل و بتحمله و بترضعه لينفطم
و بتطعميه و بتشربه و بتحفضو و بتنضفو
و بتربيه و بتحميه و بتحبه
و بدها تطبخ و تنفخ و تعزل و ترتب البيت
و تربي الاولاد و تنتبه عدراستن و تعليمن
و تشتغل بالوظيفة لتطلع مصاري تساعد زوجها و بكتير اوقات بدها تعمر البيت حجر بحجر مع زوجها.
و بترجع من الوظيفة حاملة ولادها عكتافها لتفوت تسخن الاكل و تطعمي الكل بما فيهن الزوج.
و بدها تخلي الكل مبسوط .. زوجها وولادها
و بدها تاكل همن من هنة وصغار حتى يكبرو و يتزوجوا و ما بعد

الأم إنسان قديس … ما ممكن شيء بالعالم ينصف تعبها
الأم إنسان يستحق أجمل الأشيال بالعالم
الله يحمي كل أمهاتكم و يخلليكم ياهم .

ميددوز لحظة شكر
(ميددوز)