الإرتجاع المريئي المعدي GERD من فتره اجى لعندي على الصيدل

الإرتجاع المريئي المعدي GERD

من فتره اجى لعندي على الصيدليه عمو أبو فادي.👴
👴:صباح الخير دكتورتنا الحلوة، عمو بدي تساعديني،
أنا تعبان كتير ؛عم عاني من حموضه وحرقه بمعدتي وطعم مر بتمي وعم بسعل ماقدرت نام طول الليل الله يخليكي ساعديني..

👩‍🔬: من عيوني يا عمو تفضل رتاح لنحكي بس قبل شو بتحب تشرب؟
👴: قهوه أو نعنع.
👩‍🔬: عمو إنت تناولت وجبة الفطور.
👴: لاء .
👩‍🔬: عمو القهوة والنعنع مخرشين للمعده والجهاز الهضمي ومابصير ابداً ابداً نشربهن على الريق حساويلك بابونج منيح كتير لحالتك وراجعتلك ..

👩‍🔬: أي عمو مشكلتك بسيطة لاتخاف أنت عم تعاني من الإرتجاع المريئي المعدي والحمد لله أعراضك بسيطة وفيني ساعدك ، بس لو كنت بتعاني من صعوبة او ألم أثناء البلع او إقياء مدمى أو نزول وزن وإحساس بكتلة في أعلى المعدة كنت حولتك فوراً الطبيب..

✅عمو أول شي لازم تخفف وزنك، تبعد عن التوتر، تتجنب
الأطعمة الدسمة والحارة والبهارات والبصل وعصير البندورة.
والشوكولا والقهوه والشاي، لازم تنام بعد العشاء بساعتين
عالأقل وأكيد ماتتقل بالعشا 🙂.
ووقت بدك تنام حط تحت راسك مخدتين مشان تمنع إرتجاع
الحمض🛌.

أما بالنسبه للعلاج :
حسب عدد المرات يلي عم بتصير الأعراض معك إذا مرة أو مرتين بلأسبوع أو بعد تناول أطعمة معينة بنصحك تتناول مضاد حموضه بعد الطعام متل (gaviscon اوmalox).
أما إذا عم بتصير أكتر من مرتين بلاسبوع بنصحك تاخد أي دوا من زمره ppi متل(.pantoprazol).
بتاخد عمو حبه علريق لمده شهر وباذن الله بتتحسن وبتبقى بألف خير وسلامه🌹 .

الصيدلانية راما الحلواني369 ❤

(سماعة حكيم)