الابتسامة الجميلة حق للجميع…
وبنفس الوقت ليست بمتناول الجميع للاسف 💔…
بدها صبر وجهد من الطبيب و المريض بالاضافة للكثير من المال 💸💸…
⛔ وفقاً لقاعدة cost risk benefit
يعني التكلفة و المخاطر والفوائد يلي لازم نحطن ببالنا ونحنا عمنحط خطة علاج لمريض،
مثلاً منقترح الفينير المتحرك بالحالات التالية :
⚠️عدم القدرة المالية
⚠️الخوف او الرهاب من الإبرة و من إجراءات التحضير السنية…
⚠️عدم مقدرة المريض إجراء زيارات متكررة للعيادة
☝🏻لكن سوء الاستعمال او سوء الصنع قد يؤدي لنتائج كارثية بما يتعلق بالصحة الفموية بشكل عام و اللثوية بشكل خاص…
⛔ شو هوي الفينير المتحرك ؟شو فرقو عن الثابت ؟ مين الافضل؟
⚠️الفينير المتحرك وسيلة مؤقتة لتعديل شكل او لون الاسنان بحيث أن المريض بأي وقت قادر يحطو و يشيلو بدون تحضير الاسنان و بيتواجد بشكلين :
▪️مسبق الصنع بدون طبعة مصنوع بمقاييس بتناسب الاغلبية وطبعاً ارخص واقل جمالية…
▪️مصنوع بشكل مخصص من خلال طبعة وبالتالي مناسب لإطباق المريض و بكون اكتر راحة و اكثر جمالية واغلى🔝
⚠️ الفينير الثابت فهوي لزقة افرنجية للمريض مابيقدر يشيلو لحالو و بيحتاج دقة ومهارة بالتحضير و التصنيع وبكون اغلى بكتير 💸💸💸 كلشي بحقو سيد راسي 😌
🚩وطبعاً الله محيي الثابت 💪 هوي الأفضل والأقل ضرراً بالنسج الفموية و الاكثر جمالية لهيك الأطباء بينصحوا فيه
بينما المتحرك لوقتنا هاد مافي دراسات بتأكد انو آمن الاستعمال …
وتذكروا دائماً انو لكل حالة فموية استطباب مناسب
دمتم بخير ❤️…
● إعداد وتحرير : د. أسماء الشمالي
● المصدر العلمي :https://www.colgate.come
https://www.shinysmileveneers.com/removable-veneers/
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم