سلسلة اللسان مرآة الجسد.
كيفكن مع الفريز بتحبوه؟
طيب شو إذا صار لسانكن متل الفريزة رح تضلوا تحبوه يا ترى؟!🤷🏻♀️
🔴اللسان الأحمر اللامع:
هون بكون اللسان أحمر كالفراولة🍓
🔹ممكن يكون علامة مبكرة للإصابة بمرض كاواساكي، وهوي مرض نادر وخطير بالأوعية الدموية بكل الجسم،
وغالباً ما يحدث عند الأطفال.
🔹وممكن يكون أحد أعراض الحمى القرمزية.
🔹وممكن إنو يرتبط أيضا بنقص فيتامين B3 في حال ترافق مع الألم.
🔹 ممكن يكون نتيجة التحسس تجاه الدواء أو الطعام
❤ونصيحة ميددوزية: انتبهوا دائماً لصحة أطفالكن واهتموا بالتغيرات يلي بتصير عندن حتى لو ما اشتكولكن من الألم ..
و دمتم سالمين جميعا ❤❤
مبسوط و ضحكتك شبرين وكلو رواق ويا سلاام.. وفجأة بمممم!! ليش لسانك أسود ؟!!😱
🔴اللسان الأسود:
🔹ممكن يكون لسان مشعر (متل يلي حكينا عنو قبل 🙄)
🔹وممكن يكون نتيجة تناول مضادات الحموضة الحاوية على عنصر البزموث بعد اختلاطها باللعاب،
وطبعا هيي ” غير ضارة ” وبتزول بمجرد التوقف عن تناول الدواء.
وأخيراً منقلكن الله يبيض أيامكن ودمتم سالمين ❤
بتعرفوا إنو لما نقول “طلع الشعر ع لساني” ما منكون عم نمزح؟!
تعالوا خبركن كيف😌
🔴 الشعر على اللسان:
منميز حالتين:
🔹اللسان مغطى بما يشبه الفراء الأسود أو البني أو الأبيض اللون.. تختفي عند كشطها و تنظيفها بالفرشاة تدريجياً.. وهون عنا حالة اللسان المشعر.
يلي هوي عبارة عن تطاول بالحليمات وتلونها وتصبغها..
🔹و في حال كانت عبارة عن بقع بيضاء مشعرة لا يمكن كشطها فقد تكون
الطلاوة المشعرة في الفم..
هي الطلاوة ممكن تحدث عند المصابين بفايروس نقص المناعة المكتسب(الإيدز) أو فايروس إيبشتاين باير..
وسلامتكن ❤
⚫إعداد وتحرير: د.نوّار أبو حسـن.
⚫المصدر العلمي :https://wb.md/3fehZkB
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم