الابتسامة … لغة عالمية، مفهومة من قِبل الجميع ومحبّبة وبتعبّر عن شخصيتك …
بتطلع وقت يفيض جمالك الداخلي عوسطك يللي انت فيه.
من أسرارها ويلي بضيف عجمالها جمال، جماليّة الأسنان ولونها النّاصع 😌…
🚩 ضمن سلسلة أسنانك أقرب للواقع :خليك معنا بهالبوست لتتعرف ع الأسباب لممكن تأثر عجمال أسنانك وابتسامتك …
⛔ أهم العوامل المسبّبة لتلوّن الأسنان :
⚠️ التّدخين بكافة أشكاله سواء سجائر أو أركيلة.
⚠️ بعض المشروبات متل القهوة و النسكفيه و الشّاي و الكولا .
⚠️ الأدوية اللي بتحتوي على التتراسكلين .
⚠️ تغير لون السّن بسبب التّعرض لرضّ أدى لتموّت بالعصب.
⚠️ النخور.
⚠️ العوامل الوراثيّة .
🚩أما عن العلاج الخاص بهالمشكلة :
⚠️ علاج النّخور و التّخلص منها.
⚠️ استخدام فرشاة الأسنان مرتين باليوم و استخدام الخيط للتّنظيف بين الأسنان.
⚠️ التّقليل من المشروبات الحاوية على ملوّنات.
⚠️ المراجعة الدّورية لطبيب الأسنان.
⚠️ إزالة التّرسّبات القلحيّة.
وكرمال تكون راضي أكتر عن ابتسامتك وتصير صاحب لقب أسنان اللولو 😁..
🚩 في عنا شي اسمو التّبييض السنّي وإله نوعين:
⚠️ التّبيض المنزلي : وسيلة سهلة وهي عبارة عن طوابع مخصّصة للمريض مُرفقة بمادة التّبييض تُستخدم ضمن المنزل تحت إشراف الطّبيب المختص و منلاحظ نتائجها بعد أسبوع على الأقل.
⚠️ التبيض الّليزري : بكون ضمن العيادة و ممكن يكون جلسة أو جلستين و بتظهر النتائج بشكل فوري بعد انتهاء الجلسة .
وهيك بعد ما عرفت السّبب لازم ما عاد تتعجّب من لون أسنانك واعطيها حصّة من وقتك لترجع للونها النّاصع وتضفي عليك وعلى ابتسامتك طابع جميل🥰🥰…
و تذكر دائماً تبلش نهارك بابتسامة مُشرقة مهما كانت ظروفك وظروف أسنانك…
نهار جديد ابتسامة من أول و جديد ❤️…
● إعداد : د. رامه جبري.
● تحرير : د. سارة جوني.
● التدقيق العلمي : د. علي سقر.
● المصدر العلمي : https://wb.md/38QCb80
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم