تجنّبوا تناول التوم والبصل في حال كان عندكم زيارة أو دوام

حبيبتي الميونيييز مصنوع من الميونيييز، ما لو توم أبداً…

«رمزية🐍 أقوال خلّدها التاريخ» .

عند كل الناس تناول الثوم والبصل يعني رائحة نَفَس كريهة طول اليوم ..

⛔ بس يا ترى شي مرة خطرلك تسأل ليش هالريحة🤔 ؟!؟

سبب هالرائحة هو احتواء التوم والبصل على مركبات الكبريت المتطايرة (VSCs) .

⛔ خلص باكل و بفرشي أسناني أكيد بتروح الريحة !!!

للأسف حتى لو فرشيت أسنانك الريحة رح تخف، بس أبداً ما بتروح 💔 .

الرائحة هون رائحة نَفَس وليست رائحة فم .

⛔ طيب شو السبب من عدم نفع فرشاية الأسنان ؟!؟

لما بيوصل التوم والبصل لمرحلة الهضم بيتحللو وبتنطلق مركبات الكبريت بمجرى الدم، ولما يوصل الدم على الرئتين أكيد رح يأثِّر على أنفاسك « هواء الزفير » .

ويستمر هذا التأثير لساعات بعد الاستهلاك .

لهيك تجنّبوا تناول التوم والبصل في حال كان عندكم زيارة أو دوام .

لا تطبقولنا مقولة «فوائد مذهلة لتناول التوم على الريق🙂»، رح تفيدوا حالكم وتأذوا الآخرين😂 …

هلّا أنتو خبرونا من شو مصنوع المايونيز 😉 !؟!

كل الحب إلكم، تضلوا بخير … ❤

● إعداد وتحرير : د. آيـة مـعن محمـود .
● التدقيق العلمي : د. عـمرو فهـد هنيدي .

● المصدر العلمي :https://www.ncbi.nlm.nih.gov/books/NBK534859/

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم