من دقائق قليلة ؛ دخلت على الصيدلية سيدة كبيرة بالعمر و طلبت مني أعطيها سيتامـول !
سألتها إذا بتفضل نوع معين ؛ فكان جوابها ما بتفرق دكتورة ؛ هاد كرمال اللحمـات مو إلي ..
للوهلة الأولى توقعت إني عم اسمع غلط !
عفواً خالة لمين الدوا ؟!
اللحمات يا دكتورة ؛ و الله ما شكلك ” سـت بيـت ” شاطرة !!
بعد الاستفسار ؛ طلعت الخالة بتستخدم الباراسيتامول بطبخ اللحم كرمال ينضج بشكل أسرع و ما ياخد وقت طويل على الغاز !
و على ما يبدو أنو هالطريقة مُستخدمة بشكل كبير من قبل كتير ناس وحتى بعض المطاعم !!
بالحقيقة من الصحيح أنه بسرع نضوج اللحم ؛ لأنه بسرع من تحول الكولاجيــن إلى جيلاتيــن » يعني اللحم بصير طري و سهل المضغ !
⛔» لــكــــن ؛ تسخين الباراسيتامول بهي الطريقة رح يخليه يتحلل مائياً وينتج مركب يدعى رباعــي أمينوفينــول السام ويلي يمكن يسبب فشـل كلـوي و يأذي الكبـد !
يعني كرمال فرق 10 دقائق على النار ؛ ممكن نأذي أنفسنا و يلي منحبهم و تتحول الطبخة لوجبـة سامـة !
لطفــاً تساعدونا بمشاركـة المنشــور و نشــره على أوسع نطاق ممكن ؛ لأنو هي المعلومة ممكن تنقذ أرواح مئات الأشخاص يلي عم يرتكبوا ذات الخطـأ !
الباراسيتامول دواء ” مُسكــن للألــم ” و ليس الشيــف بــوراك !
مـيددوز ~ مصدركـم للمعلومـة الطبيـة الموثوقـة .
ظرف سيتامول بوفرلك جرة غاز
هيك الصيادلة بتصير اتضارب ع موزعين الغاز
هلق صرت اعرف لنستخدما وقت الحاجة شكرا ❤
ياسلام…كنت عطيا علبتين مرهم بانتينول بلكي انقطعت من المايونيز
الاحتياط واجب يعني
عنجد من ايمت بيصير هالحكي والله اول مرة بسمع فيا منيح مابيطبخوا التحاميل كمان
أنا بحط فازلين للسفرجل منشان بطل غص فيا للقمة
يعني مازال عندها لحمة معناتا قادرة تشتري غاز
على قولة جورج وسوف غريبة الناس
برد بقول هدول نفسن العالم يلي الانتقاء الطبيعي بريحك منن…غباء
خلونا نحط سيميتكون مع الفاصوليا مشان النفخة بعد الاكل وشوية كلونازيبام مشان نومة العصر
انت بتعرف انو اللحم ليستوي بدو تبريد منيح بالتلاجة اللي ما عم نجي فيا الكهربا وبدو ٣ ساعات سلق عالنار اللي ما عم يتوفر الغاز تبعا من بكرا بدي اطبخ كلشي بالسيتامول
بس يكون في غاز بقو نصحو ع ١٠ دقايق مابتفرق…. واحد يموت بفشل كلوي اهم من جوع ولفقر
هلا يلي ماكان بيعرف صارر بيعرف
تبقا انتو ضبو ظروف السيتامول لان هلا صار كل واحد مع كل جرة بتطلعلو رح يجبلا ظرف سيتامول مدلل
كيف يعني الطريقة مستخدمة بشكل كبير !!!
لك بس بدي افهم انو من وين بيخترعو وبيكتشفو هالاختراعات
ع الشغلات الفانية بيشتغل المخ
بس لما نقول لبسو كمامة بوقف عن الشغل
صحيح معكن حق انا قالولي عنها كتير بس مااقتنعت هادا دوا ممنوع منعا باتا يستعمل لاغراض اخرى وخصوصا شي الو علاقة بالطبخ والأكل
شعبنا بتقلو لاتطعمي ابنك من هاي الشغلة بتعمل سرطان مع الزمن بقلك ماحدى بموت ناقص عمر أو بقلك مابصير غير المكتوب
على فكرة محد دريان بالسالفة وفطنتو العالم
عفية على لوخكم
انه معقول اللي بتفكر تستعمل السيتامول او البيكربونات
اكيد اكيد ضاره
حتى نواة التمر اللي ممكن تكون شي طبيعي كذب وما الها علاقه باستواء اللحم