” التبـييـض المنـزلـي ” ~ حقيقة ولا حكي جرايد !!
راجعنا مريض بالعيادة وعم يسألنا
يا ترى دكتور شو فعالية التبييض المنزلي ⁉️
وخاصةً بهالوقت يلي زادت فيه الاعلانات والبوستات التجارية عن هالموضوع !!
🔰 بالفعل بشكل عام تبييض الأسنان شائع جداً بعصرنا وكل العالم بدها ابتسامة أكثر بياضاً ولمعان🦷✨
لهيك خلونا نشرحلكم اكتر ..
⚠️ مسألة تبييض الأسنان بالبيت موضوع شائك وفي حواليه جدل كبير، بسبب المخاطر اللي ممكن يسببها للمريض وخصوصاً هي المنتجات اللي منشوفها عالفيس او بالصالونات وبمراكز التسوق.
⚠️ مواد تبييض الأسنان اللي بيكون أساسها البيروكسيد تعتبر فعالة جداً وخصوصاً اذا تم استخدامها تحت إشراف طبيب الأسنان…
وهاد بياخدنا للنقطة الأهم انو التبييض بيحتاج تشخيص و خطة معالجة من قبل الطبيب.
🔰 وللصراحة التبييض المنزلي بيحمل بعض المخاطر
ومن أهمها:
1️⃣ حساسية الأسنان.
2️⃣ تهيج اللثة عند الكثير من المرضى.
3️⃣ بالإضافة انو التبييض المنزلي الخارجي بواسطة بيروكسد كارباميد (10%) ممكن يسبب حدوث اذية اللب السني.
🔰 وبالأخير؛ أكيد حابين تسمعوا رأينا النهائي بهالموضوع…
متل ماحكينا أهم نقطة هي إشراك الطبيب بالعلاج واستشارته أولاً…
لأنو الطبيب رح يعملك فحص شامل للأسنان ويعالجلك كل النخور قبل ما يبدأ بعملية التبييض المنزلي…
هالشي ضروري ولا بد منو حرصاً على سلامتك من المخاطر اللي ذكرناها قبل شوي .. ولتحصل على أفضل النتائج ..
دمتم بحفظ الله ورعايته ❤️
● إعداد : د. حنا صوفان.
● التحرير والتدقيق علمي: د. أريج محمد نجهاني.
● المصدر العلمي : https://bit.ly/3rcqLnc
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم