يـلا عـالسريـري …
يـلا عـالأطفال …
[ #طـب_أسنان_الأطفال، المـقال الثّـالث ]تاني عمل بمادة الأطفال، وهو تقريباً أهم عمل بهالمادة بتر لب لرحى مؤقتة
🔴 بدايـةً كيف منعرف أنه هالسـن هو حالة بتر ؟!؟
● من خلال الصورة الشعاعية .
● إذا شفنا النخر متجاوز ثلث الملتقى المينائي العاجي أو الجدار الحفافي متهدم، فـ مبرووك الحالة بتر 😎💪 ..
● منبدأ كالعادة بالتخدير وبعدها منطبق الحاجز المطاطي
● منفتح السن⬅️ منزيل النخر⬅️ منجرف العاج
● طبعاً بالمناطق القريبة من اللب منستخدم المكروتور منزيل سقف الحجرة اللبية بشكل كامل، وما مننسى التبريد بالماء .
● وهلا صار دور بتر اللب التاجي، منستخدم مجرفة ملعقية أو باستعمال سنبلة كروية طبعاً بالمكروتور .
⛔ بعد هالخطوة منلاحظ صار عنا نزف ⛔
● منسيطر عالنزف من خلال استخدام كرية قطنية معقمة مرطبة بالماء، لازم يتوقف النزف معنا خلال 3-5 دقائق، وفي حال ما توقف معك النزف فـ أنت قدام حالتين يا أمّا :
⛔ بتكون ما بترت كل اللب التاجي و بكون عنا بقايا لب .
⛔ أو بتكون الحالة التهاب لب .
● بعد هيك منجيب قطنة مرطبة بالفورمكريزول مع تطبيق ضغط وبحيث تكون مع تماس مباشر مع فوهات الأقنية، كمان لمدة [ 2-5 ] دقائق .
● هون بتصير فوهات الأقنية لونها أسود او لون بني غامق
● في حال انهينا هالخطوات ولسا عنا نزف بسيط منرجع منطبق قطنة الفورمكريزول مرة ثانية للتثبيت .
● خلصت بتر لب، بيمزجلك رفيقك أكسيد زنك وأوجينول 😌
ومنطبقو بالحفرة بحيث تغطي كل قعر الحجرة اللبية .
● بعد هيك كمان رفيقك رح يمزجلك إسمنت فوسفات الزنك
ومنطبقو فوق أكسيد الزنك والأوجينول .
● هيك صار عندك الحفرة مختومة، منجيب سنبلة شاقة ومنحضر فوق الفوسفات تحضير صنف ثاني .
●منطبق مسندة، ورفيقك الكفو كمان رح يمزجلك الأملغم 😌
● رممت أملغم ⬅️صقلت ونحتت⬅️ وصقلت نهائي ..
● بتشيل المسندة والحاجز المطاطي ⬅️وبتفحص الإطباق
● وهلّا صار فيك تنادي الدكتور …
● بعد ما حط الدكتور العلامة إذا كان معك وقت بتبلش بتحضير السن لاستقبال تاج استانليس ستيل🔥
● لا تخاف التاج سهل تحضيرو جداً لأن تحضيره يقتصر فقط على السطوح الملاصقة ولا نحضر السطح الدهليزي واللساني [ أو الحنكي ] ، ونخفّـض السطح الطاحن حوالي 1 – 1.5 ملم .
● أمّـا عن السطوح الملاصقة فنقوم بتحضيرها بحيث يدخل المسبر بينها .
● هـلّا صار دور اختيار التاج المناسب، بطريقة التجربة والخطأ
🔴 كيف بعرف أنه هالتاج مناسب ؟!؟
● يجب أن يغطي كامل تاج السن ويمتد تحت اللثة بمقدار 0.5 1 ملم .
● فحصنا انطباق التاج، منلصق التاج بإسمنت فوسفات الزنك
● بتنادي الدكتور🔥🥳، وبتاخد علامتك وهيك بتكون ضربت عصفورين بحجر واحد وخلصت من عملين سوا😌
أي سؤال اتركوه ضمن التعليقات 😉 …
وانتظرونا لنحكي عن باقي أعمال مادة الأطفال
تبقـوا بألف خيـر ..💛..
● إعداد : د. رشـا عـلاء هـلال .
مــــيددوز ~ مـــــصدرك للـــــمعلومات الـــــطبية الــــــموثوقة 🛡 .
مواضيع صحة الاسنان والفم