التمطيط لحد الألم لا رهاب مع العلاج الفيزيائي بعد الكسر م

التمطيط لحد الألم
لا رهاب مع العلاج الفيزيائي بعد الكسر

👩مرحبا دكتورة.

👩‍⚕️هلا تفضلي.

👩دكتورة أنا صار معي كسر كولس و صرت رايحة أكتر من مركز و عم يوجعوني كتير، و أيدي ماعم ترجع حركتا ، لهلأ لابقدر اطويها لفوق و لا شد عأيدي ، بدي ترجع متل ماكانت بس بدون ما اتوجع .

👩‍⚕️طيب شو كانو يعملو حتى تتوجعي.
👩كانو يشدو عأيدي كتير و أنا صرخ من الوجع.

👩‍⚕️طيب خلينا نتفق انو أي كسر بصير فيه تحدد بالحركة و العضلات بتقسى و بتفقد ليونة تبعها ، و هاد الشي يلي بيولد الألم غير ألم الكسر الصعب كتير ، و الألم الناتج عن التثبيت يلي ضليتي فيه فترة طويلة.

لهيك خليني احكيلك شو صار معك لحتى عم تحسي بهالوجع و شو كان لازم ينعمل حتى يخف عليكي شوي.

⬅️أول شي لازم نتحمل هالفترة الألم الناتج عن التمطيط منعا للتكلس و منعا تفقد العضلات كتلتها،
لكن كمان نحن من جهتنا حنرخيلك العضلات من خلال الشغل ووالحرارة و المنابلة اليدوية و التقوية و تسكين الألم.
و طبعاً حنبلش نفتح المدى لحد الألم منشان مايصير رد فعل و يزيد الألم و التشنج عندك .
يعني تقريبا حتحسي فقط بألم لثواني محددة حتى نرجع للمدى الحركي السليم ألك

👩طيب دكتورة فيني اخد مسكن قبل الجلسة!

👩‍⚕️ببعض الحالات المؤلمة جدا ممكن نعطي مسكن خفيف لكن الأفضل نعطي مجال للعلاج الفيزيائي للإرخاء و التمطيط المنابلة اليدوية و هو الأفضل لألك.

👩شكرا دكتورة لكن خلينا نبلش ، و إن شالله ما حس بالألم.

طبعاً، أهم شي بس نوصل لحد الألم تخبريني و ما تتشنجي أو تعملي أي رد فعل👍.

علاجي معك
No Pain Again

طب علاج فيزيائي سوريا دمشق توعية
راما حايك
أحمد الطويل
علاجي معك-No Pain Again

(سماعة حكيم)