هل تجرؤ على الشراء؟
خلال أيام شركة شاومي هتعلن عن فرد جديد من عيلة الـX3 داخل السوق المصري، الفرد ده بقى هو تكرار برضه لنفس الفئة ولكن مع تغييرات طفيفة على المعالج وسرعة الشحن وحبة حاجات تانية 😂
الجهاز اللي بنتكلم عنه النهاردة هو الـPOCO X3 GT، وحقيقي أنا مبقتش عارف أقول ايه، عارف لما تمسك موبايل ناجح وتحلبه؟ ده بالظبط اللي حصل مع سلسلة X3 من شاومي
ماتفهمنيش غلط، الموبايلات “كلها” اللي نزلت من عيلة الـX3 مميزة فعلًا وبتقدم مواصفات قوية قصاد سعرها، ولكن التغيير مطلوب
كلهم مركزين على نقطة الجيمينج، الشاشة الـ120Hz والمعالج القوي جدًا بالنسبة لسعره، كله مركز على سرعة الشحن الممتازة سواء 33Watt أو 67Watt، كله مركز في نقطة واحدة وبيلف ويدور حواليها
وده طالما بيحققلهم مبيعات هيفضلوا مستمرين عليه، ولكن إحنا كمجتمع تقني بنزهق من التكرار المستمر، والمستهلك اللي اشترى قبل كدة بيخسر قيمة موبايله مع كل إطلاق جديد، وهنا بييجي السؤال ليك انت
لو معاك فرد من عيلة الـX3، هل تجرؤ على الشراء؟
شاركني إجابتك في الكومنتات.
الجينيص
الجينيص