أغلب الشركات اللي بتعمل باوربانك ليثيوم أيون “محلي” بتسيق انو الباوربانك تبعها بيشحن بساعة وحدة فقط، طيب وين القصة؟!
القصة بداية سببها نفسي، التقنين اسمياً خمس ساعات فصل ب ساعة وصل، وهون بيتم تسويق انو هالساعة الكهربا رح تعبي البطارية
عملية الشحن لبطارية الليثيوم أيون بتتكون من مرحلتين، مرحلة تثبيت التيار، ومرحلة تثبيت الجهد
تثبيت التيار يعني تمرير تيار شحن ثابت للبطارية، وبيبلش يرتفع الجهد هيييك لحد مايوصل الجهد لحد معين عادة ٤.٢ فولط للخلية الوحدة، وهون بتبلش المرحلة التانية
تثبيت الجهد وبيبلش التيار ينخفض لحد ماينزل لحد معين، هون لازم تتوقف عملية الشحن
تيار الشحن السابق في حال رغبنا نشحن البطارية بأسرع وقت آمن “طبعا اذا البطارية بتسمح” بيكون مساوي لسعة البطارية
يعني اذا البطارية ٢٦٠٠ ميللي أمبير ساعي
بيكون تيار الشحن الثابت هوي ٢٦٠٠ ميللي أمبير
اللي قرأ لهون عم يسأل، اي وشو يعني؟
أيواا هون حطنا الجمّال..تيار هالشحن الكبير اللي بيخليها تشحن بساعة بيأثر على عمرها، بيقصر عدد دورات الخلية الفعلي، الأمر اللي بيقصر عمر الباوربانك ككل
طبعا بطارية الليثيوم أيون بتقبل تيارات شحن أعلى بكتييير من بطاريات الجل أو البطاريات الحامضية الوطنية مثلاً، وعم نشوف بطاريات وطنية وجل عم تموت قبل عمرها بسبب شحنها بقيم كتير كبيرة، الليثيوم أيون بالجهة التانية بتتأثر بس بشكل أقل.
مع تحيات فريق سايبرترون سوريا
نعم صحيح
بالاضافة الى انو من نسبة 80 بالمية لحد 100% بتاخد وقت طويل لتعبي مهما كان الشاحن سريع بالبداية
عندي بطارية جل ٧٥ أمبير عم اشحنها بشاحن ٢٠ أمبير و عليه مؤشر
ع قديش بخلي المؤشر حتى تضل البطارية بخير مع مراعاة انها تنشحن بساعتين لأنو أنا عم استهلكها منيح عبراد الانفرتر
اكبر كذبة اختروعها ما يسمى باور بنك