📌الجزء الأول 1️⃣
📌أول شي بدي احكي انو عدد المصابين بهالمرض هو 125مليون شخص حول العالم ‼️
يعني مرض مو نادر أبداً .. لهيك انت مو لحالك 👍😊
📌طيب شو هو الصداف ⁉️
🔺️هو عبارة عن بقع حمراء واضحة عليها قشور سميكة بلون أبيض فضي
📌شو سبب هالقشور❓
🔺️السبب انو خلايا الجلد بتصير تنمو وتتكاثر بمعدل أسرع من الطبيعي لهيك بتتراكم الخلايا الميتة على سطح البشرة على شكل هالقشور الفضية
🔺️ممكن يبدأ ((بأي عمر))) ولكن غالبا بيبدأ حوالي ال15 سنة أو بعمر ال50.
🔺️غالباً بيصيب فروة الرأس و المرفقين والركبتين ولكن أي جزء من الجسم ممكن ينصاب ❗
🔺️الحكة ❓ خفيفة عادة وبتختلف من مريض لمريض
📌هل يشفى الصداف ⁉️
🔺️الصداف هو مرض مناعي مزمن
يعني أغلب المصابين رح يرافقهن هالمرض طول الحياة للاسف😥
🔺️لحد الآن مافي أي علاج بيشفي من المرض نهائياً
🔺️لهيييك كتير مهم نعرف ونتعلم عن هالمرض لنقدر نتعامل معو بشكل صحيح
🔺️طبعاً في حال الالتزام بالتعليمات و الابتعاد عن العوامل يلي بتزيد هالمرض و استخدام العلاج بشكل صحيح
رح نقدر نسيطر عهالمرض و نحصل على جلد خالي من الصداف تقريباً 💜🌷
تابعوا معي
د سراب شيخ حمدو
أخصائية بالأمراض الجلدية والتجميل
📌بالبوست القادم رح جاوب على:
أسباب الصداف؟ هل هو وراثي؟
هل الصداف معدي؟
والعوامل المحرضة والمفاقمة للصداف والواجب تجنبها 👍
(سماعة حكيم)
Sarab Sheikh Hamdo
.
تم
….
..
..
طيب شو دوا مناسب
..
..
…..
..
..
❤️❤️❤️
..
….
..