الرئيسية / طب وصحة / الصداف الجزء الرابع هل الصداف مرض محصور بالجلد فقط لل

الصداف الجزء الرابع هل الصداف مرض محصور بالجلد فقط لل



📌الصداف الجزء الرابع ⁉️‼️

📌هل الصداف مرض محصور بالجلد فقط⁉️

📌للأسف الجواب هو: لا 💔

📌الصداف ممكن يترافق او يسبب أمراض جهازية تانية بالجسم

💡الهدف من البوست: ليس التخويف والترهيب❌

💡الهدف انه كل مريض معه صداف يعرف شو الأمراض المترافقة معه

لحتى ينتبهلا و يخبر طبيبه بأي عرض ممكن يشير لحالة من هالحالات و ما يتجاهلها وتوصل لمرحلة غير قابلة للعلاج💔

🔺️لأن اغلب الناس بيفكروا انه الصداف هو شوية تقشر بالجلد وبس

📌الصداف بيترافق بخطر متزايد للإصابة بالأمراض التالية👇

1️⃣التهاب المفاصل الصدافي🦵💪

🔺️الصداف ممكن يصيب المفاصل كمان
وبيسبب التهاب مفاصل بيخرب شكل ووظيفة المفصل

👈لهيك أي مريض صداف عنده:
ألم مفصلي أو صلابة أو توذم بالمفصل لازم يخبر طبيبه لحتى يتم الاستقصاء عن السبب وعلاجه بالشكل الصحيح ✅

🔺️التهاب المفاصل الصدافي بيتطلب العلاج بعلاجات أقوى من العلاجات يلي منستخدمها بحال لو كان الصداف بس محدود بالجلد
لحتى نمنع من الالتهاب وتخرب المفصل

2️⃣مشاكل عينية👁👁

🔺️متل التهاب ملتحمة أو التهاب عنبة العين

👈كمان اي مريض صداف عنده:
احمرار أو تهيج بالعينين مع قشور على الجفنين أو مفرزات صفراء أو جفاف بالعينين وحساسية على الضوء يجب اخبار الطبيب للعلاج بشكل مناسب✅

3️⃣البدانة

🔺️شائعة عند مرضى الصداف وخاصة عند مرضى الصداف الشديد

💡ومتل ما حكينا بالبوست السابق انقاص الوزن بيساهم بشكل كبير بتخفيف شدة المرض

4️⃣السكري

🔺️بما انه الصداف مرض مناعي لذلك ممكن يترافق مع امراض مناعية تانية متل السكري

👈كمان اي مريض صداف عم يعاني من عطش شديد، تبول متكرر، نقص وزن أو تعب
يفضل إجراء تحليل سكر دم عالريق ومراجع طبيب غدية

5️⃣ارتفاع ضغط الدم والأمراض القلبية الوعائية و ارتفاع كولسترول الدم🫀

🔺️لهيك حكينا أنه الرياضة وحمية غنية بالخضار والفواكه🥬🥒🍉 وفقيرة بالدسم 🍖🍗🥩
مو بس بتفيد بتخفيف الصداف وانما بتقلل خطر تطور هالأمراض 💜

تابعوا معي
د سراب شيخ حمدو
اختصاصية بالأمراض الجلدية والتجميل

يلي ماشاف الأجزاء التلاتة السابقة يضغط عالهاشتاغ 👇
psoriasis


(سماعة حكيم)



4 تعليقات

  1. Sarab Sheikh Hamdo

  2. بدنا علاج الصدف