أكتر حاجة هتستخدمها في حياتك لما تيجي تصمم Website هو الـAnchor Tag، وده لأنك باختصار هتحتاج تتنقل بين صفحات الموقع أو تبعت المستخدم لصفحة تانية مالهاش علاقة بموقعك، ولكن في بعض الحالات بتحتاج تبعته على برنامج محدد، سواء كان برنامج الـMail أو الـDialer، أو حتى برنامج تاني على الكمبيوتر
هنا في الـhref attribute هتكتب البروتوكول المناسب للحاجة دي، على سبيل المثال، لما تحب تعمل مكالمة من الـDialer هتكتب
tel:+201000000000
مثلًا حابب لما المستخدم يضغط على اللينك يبعت Email لبريد إلكتروني معين، بسيطة، هتكتب
mailto:2lgenius@gmail.com
وكمان ممكن تحدد الـSubject، الـCC والـBCC براحتك تمامًا، ولكن لازم القيم بتاعتهم تكون URL Encoded، ووجب إني أقولك إن مش كل الـEmail Clients بتستقبل كل الداتا دي، فـ لازم تبقى عارف بس قبل ما تستخدمهم.
وهكذا، طبعًا ليها استخدامات تانية Advanced، زي إنك تعمل الـAuthorization من خلال المتصفح لبرنامج متصطب بالفعل على الكمبيوتر ومواقف تانية كتير، تقدر تقولنا في الكومنتات على واحد منهم
وبس كدة، ده الموضوع ببساطة.
الجينيص
HTML5 Notes
الجينيص