لما المستخدم بيضغط على Anchor Element عشان يروح من صفحة لصفحة والصفحة تتفتح في New Tab، بفضل الـTarget Attribute (زي ما شايفين في الصورة)، المتصفح بيبعت مع الـRequest ده JS Object بيكون فيه معلومات عن الصفحة اللي قبله، الكلام مجعلص؟ خليني أبسطهولك بمثال
دلوقتي انت في الصفحة بتاعتك عامل Anchor Element بيودي على موقع الشيخة خديجة المغربية لفك الحبيب وجلب الزبيب في New Tab، هنا المتصفح بيبعت معلومات عن صفحتك انت للموقع بتاع الشيخة خديجة على شكل JavaScript Object جوة الـWindow Object فيما يسمى بالـ(Opener)، وده ممكن يبقى خطر عليك في حالة ان موقع الشيخة خديجة انت مالكش أي سيطرة عليه وماتقدرش تعرف الداتا دي بتستخدم في إيه
هنا الحل ببساطة اننا هنكتب Relation Attribute جوة الـAnchor Element بقيمة ‘noopener’، عشان مايضيفش الـOpener Object، لأني من الأخر كدة مش واثق في الموقع ده، زي المثال المكتوب في الصورة
للأسف Firefox مش بيدعم ‘noopener’، فـ هتضر انك تكتب معاها ‘noreferrer’ عشان تحصل على أفضل حماية ممكنة.
وبس كدة، ده الموضوع ببساطة.
لو عجبك المحتوى اللي بقدمه متنساش تعمل لايك وتظبطني كدة، ولو عندك أي إضافة أو تعديل على الكلام اللي فوق ده قولي في الكومنتات وكلنا نستفيد من بعض بإذن الله.
الجينيص
HTML5 Notes
الجينيص