بنلاقي كتير في المدونات أول سطر من المقالة بيبقى منزاح (في مسافة فاضية بينه وبين أول السطر) وباقي الكلام ماشي زي الفل، تفتكر حاجة زي دي بتتعمل ازاي؟
أسرع حاجة هتيجي في دماغك هو الـFirst Line Pseudo Element، بحيث انك تقدر تتحكم في أول سطر بس من الـText وتديله Padding براحتك، ولكن في حل أسهل من كدة بكتير، وببساطة ده اللي هنتكلم عنه النهاردة
الـText Indent Property من الخصائص المدعومة على كل المتصفحات، وببساطة هي بتعمل Indentation بين بداية النص وبداية الـBox Width، فـ بيحققلك اللي انت عاوزه بالظبط بسطر كود واحد
في الـCSS حاجات كتير ممكن تعملها بكذا طريقة وفي النهاية كلهم صح، ولكن حاول دايمًا يكون الكود بتاعك مختصر، مفيد، وذا معنى بحيث أي مبرمج تاني يقدر يفهمه
وزي ما اتكلمنا عن الـNaming في الـHTML للـID والـClasses، بإذن الله هيكون لينا بوست بنتكلم عن بعض أساليب الـNaming في الـCSS اللي هتسهل عليك حاجات كتير بإذن الله.
وبس كدة، ده الموضوع ببساطة.
الجينيص
CSS Notes
الجينيص